
Li Stenbolê dema binçavkirinê ya 21 kesan hate dirêjkirin 

2024-01-17 16:28:12


	&nbsp;

	STENBOL - Dema binçavkirinê ya 21 kesên li Stenbolê di encama serdegirtinên malan de hatibûn binçavkirin hate dirêjkirin.&nbsp;

	&nbsp;

	Stenbol, Amed, Edene û Dîlok jî di nav de duh li 28 bajaran bi ser gelek malan de hatibû girtin. Di serdegirtinên malan de endamên Meclisa Dayikên Aştiyê û Meclisa Ciwanan a Partiya Wekhevî û Demokrasiyê ya Gelan (DEM Partî) jî di nav de gelek kes hatin binçavkirin. Kesên li Stenbolê hatin binçavkirin li Midûriyeta Emniyetê ya Stenbolê tên ragirtin û hat zanîn ku bi îdiaya “endamtiya rêxistinê” tên tawanbarkirin. Hat diyarkirin ku ji bo dosyaya wan birara nepeniyê hatiye dayîn.&nbsp;

	&nbsp;

	Rojek li dema binçavkirinê ya 21 kesên li midûriyeta emniyetê tên ragirtin hate dirêjkirin.&nbsp;

	&nbsp;

	21 BINÇAVKIRÎ&nbsp;

	&nbsp;

	Navên hinek kesên hatine binçavkirin wiha ne: “Çalakvanên Nobeta Edaletê Kumrî Akgul ve Gulsum Ozturk, Dayikên Aştiyê Fatma Yilmaz û Bedîa Gokguz, Seroka Komeleya Dema Jina ye Dîlek Başalan, Endama Meclisda Jinan a DEM Partiyê Beser Çelîk, aktîvîstên Tevgera Jinên Azad (TJA) Vetha Bîngol û Suna Kaymaz, Hevseroka HDP’a Geverê ya berê Selcan Saygi, ji hunermendên Navenda Çanda Mezopotamyayê (NÇM) Dîlan Suyu û Zehra Suyu, Sîhat Yilmaz, Şukran Tugay, Gonul Karaman û Yûsûf Açar, Bîrgul Muhîkanci, Nezihe Işik, Pervîn Tumbul, Tulay Guler, Remzî Çelîk û Zubeyde Aktay.”

	&nbsp;