
Dê ji MÎT’ê were pirsîn bê ka ‘têkiliya derhêner Tekîn bi PKK’ê re heye yan na’ 

2024-01-16 16:42:31


	&nbsp;

	ENQERE - Derhêner Sîbel Tekîn dema belgefîlma “Jiyana di Tariyê de Destpêkirî” dikişand, hatibû binçavkirin, girtin û piştre hatibû tehliyekirin. Dê ji MÎT’ê were pirsîn bê ka “Têkiliya Tekîn bi PKK’ê re heye yan na.”&nbsp;

	&nbsp;

	Derhêner Sîbel Tekîn dema belgefîlma “Jiyana di Tariyê de Destpêkirî (Karanlıkta Başlayan Hayat)" dikişand hatibû binçavkirin û girtin. Piştre jî jî tehliye bûbû. Derheqê Tekîn de bi îdiaya “Endamtiya rêxistinê” doz hatibû vekirin û 5’emîn danişîna dozê li 26’emîn Dadgeha Cezayên Giran a Enqereyê hate lidarxistin.&nbsp;

	&nbsp;

	‘DÎMEN NABIN MIJARA SÛCDARKIRIN’&nbsp;

	&nbsp;

	Li gel Tekîn, parêzerên wê jî di danişînê de amade bûn. Danişîn bi tespîtkirina nasnameyan dest pê kir û bi parastina Tekîn dom kir. Tekîn, têkildarî rapora kesê pispor a di danişîna din de hatibû xwestin axivî û got ku dîmen û wêneyên di komputera wê de aydê wê nînin û ev yek nabe mijara sûcdarkirinê.&nbsp;

	&nbsp;

	PARÊZER DAXWAZA BERAETÊ KIR&nbsp;

	&nbsp;

	Parêzera Tekîn, Mehtap Sakîncî Coşkun jî got ku rapora kesê pispor biencam nebûye û lewma ne rapor dikare weke lêkolînekê bê nirxandin. Coşkun, anî ziman ku dema Tekîn hatî binçavkirin, tevahiya tiştên wê yên malê hatin desteserkirin û Midûriyeta TEM’ê lêkolîn kiriye lê ev dîmen di îdianameyê de cih negirtine. Coşkun, diyar kir ku tu delîlên “endamtiya rêxistinê” nînin û beraeta miwekîla xwe xwest.&nbsp;

	&nbsp;

	Dozger jî xwest ku ji MÎT’ê were pirsîn bê ka tu têkiliyên Tekîn bi PKK’ê re hene yan na.&nbsp;

	&nbsp;

	DÊ JI MÎT’Ê BÊ PIRSÎN&nbsp;

	&nbsp;

	Şandeya dadgehê biryar da ku bila ji MÎT’ê were pirsîn bê ka tu têkiliyên Tekîn bi PKK’ê re hene yan na û danişîn taloqî 5’ê adarê kir.&nbsp;

	&nbsp;