
Emniyetê bersiva ‘hilbijêrên’ gerok da: Ji bo tedbîqet û operasyonan e! 

2024-01-16 16:36:09


	&nbsp;

	SÊRT - DEM Partiyê li dijî 6 hezar û 643 leşker û polîsên beriya hilbijartinê li Sêrtê hatine veguhestin îtîraz kir. Îtîraz hate redkirin. Midûriyeta Emniyetê têkildarî van kesan agahî da û got; “Ji bo operasyon û tedbîqetê li bajar hatine peywirdarkirin.”&nbsp;

	&nbsp;

	Rêxistina Partiya Wekhevî û Demokrasiyê ya Gelan (DEM Partî) a Sêrtê li dijî veguhestina 6 hezar û 643 “hilbijêrên” li Sêrtê hatine veguhestin û li 4 navnîşanên Şaxa Midûriyeta Tevgera Taybet hatine qeydkirin, di 12’ê çileyê de îtîraz kiribû. Lijneya Hilbijartinê ya Bajar têkildarî mijarê ji Midûriyeta Emniyetê ya Bajar agahî xwest.&nbsp;

	&nbsp;

	BERSIVA EMNIYETÊ&nbsp;

	&nbsp;

	Emniyetê di bersiva xwe de îdia kir ku kesên behsa xeberê ji ber “tevdîrên emniyetê” û “fealiyetên operasyonê” hatine peywirdarkirin. Li ser bersiva emniyetê, lijneyê îtîraza DEM Partiyê red kir. Di bersiva redkirinê de wiha hate gotin: “Beşekê van kesan ji bo teqwiyeya tevdîrên emniyetê li Midûriyeta Emniyetê ya Bajar û Fermandariya Cendirmeyan a Bajar hatine peywirdarkirin. Beşekê wan jî ji bo tedbîqet û fealiyetên operasyonê hatine veguhestin.”&nbsp;

	&nbsp;

	Her wiha di biryara redkirinê de hat diyarkirin ku van kesan navnîşanên xwe beriya 1’ê Cotmeha 2023’yan kirine û bi vê hincetê jî îtîraz hatiye redkirin.&nbsp;

	&nbsp;

	DEM PARTÎ DÊ SERÎ LI YSK’Ê BIDE&nbsp;

	&nbsp;

	Hat zanîn ku Rêxistina DEM Partiyê ya Sêrtê dê li Lijneya Hilbijartinê ya Bilind (YSK) îtîraz bike. Hevserokê DEM Partiyê yê Sêrtê Eşref &nbsp;Tekîn got ku dê pêşiya tiştên hatine qewimîn bernedin û îktîdar hewl dide bi rêya leşker û polîsan bêusîliyê bike.&nbsp;

	&nbsp;

	MA / Fethî Balaman

	&nbsp;