
Êrişên dewleta tirk zêde dibin: Du zarok û dayika wan birîndar bûn 

2024-01-14 15:40:17


	NAVENDA NÛÇEYAN - Dewleta tirk êrişên xwe yên li dijî Bakur û Rojhilatê Sûriyeyê didomîne. Di êrişan de binesaziya herêmê û qadên sivîlan hedef hatin girtin. Di erişan de dayikek û du zarokên xwe birîndar bûn û stasyona ceyranê û çewlika sewalan hatin bombebarankirin.&nbsp;

	&nbsp;

	Dewleta tirk ku di pevçûnên 12’ê çileyê yên li qada Zapê ya başûrê Kurdistanê derbên giran xwar, bênavber êrişî Bakur û Rojhilatê Sûriyeyê dike. Li gel binesaziya herêm3e, her wiha qadên sivîlan jî raste rast hedef tên girtin. Di vê çarçoveyê de gelek bajar, navçe û gund hatin bombebarankirin.&nbsp;

	&nbsp;

	Li gorî nûçeya ANHA’yê; baregeha hêzên Koalîsyona Navneteweyî ya li navçeya Çelebiyê ya Kobanê hate bombebarankirin. Têkildarî encamên bombebaranê agahî nehatin bidestxistin. Dewleta tirk ku binesazî, saziyên xizmetê û qadên sivîlan yekser hedef digire, stasyona ceyranê ya li Kobanê bi SÎHA’yan hedef girt.&nbsp;

	&nbsp;

	ŞÎRKETA LAVRAÇÊ HATE BOBEMBARANKIRIN

	&nbsp;

	Şîrketa Lavracê ku ji ber êrişên DAIŞ’ê yên li dijî Kobanê hatibû girtin û piştre ji hêla hêzê Têkoşîna li Dijî DAIŞ’ê ve dihat bikaranîn jî sê caran hate bombebarankirin.&nbsp;

	&nbsp;

	LI DIRBÊSIYÊ 3 KES BIRÎNDAR BÛN

	&nbsp;

	Embarên genim ên navçeya Dirbêsiyê ya Kantona Hesekê û mala welatiyekî li gundê Girbetliyê hedef hatin girtin. Di encama êrişê de zarokên bi navên Can û Rojan û dayika wan birîndar bûn. Avahî, di êrişê rûxiya. Her sê welatiyên birîndar rakirin nexweşxaneyê.&nbsp;

	&nbsp;

	ÇEWLIKA SEWALAN HATE BOMBEBARANKIRIN&nbsp;

	&nbsp;

	Di heman demê de derdora gundê Berkevirê yê navçeya Dirbêsiyê ya Kantona Cizîrê û çewlika sewalan a li gundê Şêx Çoban ê Kobanê jî bi SÎHA’yan hatin bombebarankirin.&nbsp;

	&nbsp;

	KANTONA CIZÎRÊ DAXUYANÎ DA

	&nbsp;

	Konseya Rêveber a Rêveberiya Xweseriya Demokratîk a Kantona Cizîrê têkildarî êrişên dewleta tirk li pêşiya Navenda Çand û Hunerê ya Mihemed Şêxo ya Qamişloyê daxuyanî da. Hevserokê Meclisa Rêveber Talet Yûnis û Hevseroka Desteya Perwerdê û Fêrkirinê Gulistan Îsmaîl daxuyanî xwendin.

	&nbsp;

	Di daxuyaniyê de wiha hate gotin: “Êrişên terorê û qirkirinê yên dewleta tirk ên li dijî Herêma Bakur û Rojhilatê Sûriyeyê dewam dikin. Rojên înê û şemiyê binesazî, cihên xizmetguzarî û stratejîk ên li gundewarên Dêrik, Tirbespiyê, Rimêlan û Çilaxa bombebaran kirin, her wiha vê sibehê Eyn Îsa bombebaran kir. Di encama van êrişan de saziyên xizmetguzariyê ku av, enerjî û çandinî ji tevahî herêmê re peyda dikirin, ji xiztmetê derketin. Ev binpêkirin û êriş binpêkirina qanûnên navneteweyî, astengkirin û qelskirina hewldanên têkoşîna li dijî terorê ye. Em ê li hemberî van êrişan, hevgirtin û berxwedana xwe xurt bikin, destkeftiyên xwe biparêzin, plan û siyasetên koçberî û guherandina demografyaya herêmê têk bibin.”&nbsp;

	&nbsp;

	Daxuyanî wiha bi dawî bû: “Em van êrişan şermezar dikin. Banga me ji bo hêzên çalak ên li Sûriyeyê, civata navneteweyî û rêxistinên hiqûqî û mirovî ew e ku bi erkên xwe rabin û van êrişên dewleta tirk a dagirker bi dawî bikin û hesabê jê bipirsin. Her wiha banga me ji bo gelên herêmê ew e ku pergala xweparastinê xurt bikin, li dora saziyên xwe bicivin û destkeftiyan biparêze. Dê serkeftin a gelan û projeya demoratîk be.”

	&nbsp;