
Rojnameger Hakan Yalçin bi daxwaza girtinê sewqî dadgehê hat kirin 

2024-01-02 15:47:35


	MELETÎ - Rojnameger Hakan Yalçin piştî îfadeya li dozgeriyê bi daxwaza girtinê sewqî dadgehê hate kirin.&nbsp;

	&nbsp;

	Nûçegihanê ajansa me Hakan Yalçin û 10 kesên din di çarçoveya lêpirsîna Serdozgeriya Komarê ya Meletiyê, di 29’ê kanûnê de li Wanê bi serdegirtinên malan hatin binçavkirin û anîbûn Meletiyê. Piştî îfadeyên li midûriyeta emniyetê, sewqî Serdozgeriya Komarê ya ya li navçeya Çirmik a Meletiyê hatin kirin.&nbsp;

	&nbsp;

	Ji ber ku avahiya Edliyeya Meletiyê di erdhejê de hilweşiya bû, karûbarê îfadegirtinê li beşa Serdozgeriya Komarê ya lil avahiya Midûriyeta Herêmê ya Gumrik û Bazirganiya Derve ya li ser rêya Akçadagê hate lidarxistin. Hevserokê Komeleya Rojnamegeran a Dîcle Firatê (DFG) Serdar Altan û malbatên binçavkiriyan jî şopandin. Ji ber ku qad teng bû, destûr nehat dayîn ku çapemenî û malbat bikevin hundir.&nbsp;

	&nbsp;

	Di îfadeya dozgeriyê de xebatên Yalçin ên di dema xwendekariyê de yên li Meletiyê jê hatin pirsîn. Dozger, pirsên weke “te li komeleyê pewerdeya îdeolojîk dane yan na” û hwd. pirs kir. Piştî karûbarê îfadeyê jî Yalçin bi daxwaza girtinê sewqî Dadgeriya Cezayên Sulhê hate kirin.&nbsp;

	&nbsp;

	Welatiyên bi navên Siyajîn Yaman, Rezan Malgir û Bedîrhan Akyildiz ku li gel Yalçin hatibûn binçavkirin bi daxwaza girtinê û 7 kesên din jî bi daxwaza berdana bi şertê kontrola edlî sewqî dadgehê hatin kirin.&nbsp;

	&nbsp;