
Ji kesên li 3 bajaran hatin binçavkirin 9 jê hatin berdan 

2023-12-27 14:52:19


	&nbsp;

	ÎZMÎR - Ji kesên li Îzmîr, Mûgla û Manîsayê di encama operasyanan de hatin binçavkirin 9 jê hatin berdan.&nbsp;

	&nbsp;

	Polîsan duh li 32 bajaran bi ser gelek malan de girtin. Di encama serdegirtinên malan ên li Îzmîr, Mûgla û Manîsayê de nûnerên rêxistinên civaka sivîl û partiyên siyasî jî di nav de 15 kes hatin binçavkirin. Sedema binçavkirinê jî xebatên di nava saziyan de û parvekirinên li ser hesabên medyaya dijîtal hatin nîşandan.

	&nbsp;

	Di serdegirtinên li Îzmîrê de aktîvîsta Tevgera Jinên Azad (TJA) Emîne Înan, Hevserokên Komeleya Piştgirî û Piştevaniya bi Malbatên Xizmên Xwe Windakirin re ya Anadoluyê (ANYAKAYDER) Rahîme Turan û Mîkaîl Fîdan, rêvebera komeleyê Zarîfe Sungur, Fevziye Pulat, rêvebera DEM Partiyê ya navçeya Alîagayê Ayfer Yildirim û Çîçek Orhan hatin binçavkirin. Piştî îfadeya li emniyetê, sewqî edliyeyê hatin kirin. Ji binçavkiriyan 7 jê piştî îfadeya li dozgeriyê hatin berdan.&nbsp;

	&nbsp;

	MÛGLA&nbsp;

	&nbsp;

	Karkerên înşaetê Varol Yildirim Çakar û Senar Aysal jî dema li Mûglayê li ser şantiyeyê dixebitîn, hatin binçavkirin. Piştî îfadeya li emniyetê, sewqî edliyeyê hatin kirin. Her du welatî bi şertê kontrola edlî hatin berdan.&nbsp;

	&nbsp;

	MANÎSA&nbsp;

	&nbsp;

	Li Manîsayê jî welatiyên bi navên Mûrat Gur, Firat Badir, Servet Guneş, Behiye Musavar, Mahsun Denîz û 2 kesên navên wan nehatin zanîn di encama serdegirtinên malan de hatibûn binçavkirin. Ev kes hêj jî li emniyetê tên ragirtin û tê payîn ku karûbarê îfadegirtinê îro dest pê bike.&nbsp;

	&nbsp;