
Li Colemêrgê riya 34 gund û mezrayan hate girtin 

2023-12-23 14:38:46


	COLEMÊRG - Li Colemêrgê ji ber barina berfa zêde rêya 34 gund û mezrayan hate girtin. &nbsp;

	Li Colemêrgê ev 2 roj in berf dibare. Ji ber barîna berfa zêde bariye, aşût kete ser tunela aşûtê ya li ser rêya Colemêrg û Çelê. Herwiha ji ber barîna zêde ya berfê rêyên 3 gund û 13 mezrayên navenda Colemêrgê, 3 gund û 15 mezrayên Geverê hatin girtin.&nbsp;

	&nbsp;

	QEYÛM RÊYAN VENAKE

	&nbsp;

	Tîmên girêdayî Îdareya Bajêr a Taybet ji bo vekirina rêyan xebat dan meşandin lê belê hat destnîşankirin ku şaredariyên Colemêrg û Geverê yên di bin rêveberiya qeyûm de, ji bo vekirina rêyan xebat nedane meşandin.&nbsp;

	&nbsp;

	Hat zanîn ku ji ber berfa li ser rêya TOKÎ’yên Pîzokê nehatiye paqijkirin, qeşa çêbûye û welatî di meşa rê de astengiyê dikişînin. Hat diyarkirin ku servîsên bajêr jî ji ber qeşaya çêbûye nikarin rêwiyan bibin û bînin.&nbsp;

	&nbsp;

	Li gorî hişyariyên meteorolojiye dê li Colemêrgê barîna berfê heya roja duşemê bidome. Tê payîn ku germahiya hewayê jî dê 11 dereceyan bikeve bin sifirê.&nbsp;

	&nbsp;

	&nbsp;