
24 sal ceza dan faîlê tecawizê yê cerdevan

2023-12-19 15:21:45


	ŞIRNEX - Li bajarokê Sêgirkê li cerdevan Ramazan Babat ê destdirêjî li keçika 16 salî kiribû 24 sal cezayê hefsê hate birîn.&nbsp;

	&nbsp;

	Li bajarokê Sêgirka navçeya Qilebana Şirnexê zaroka 16 salî S.G. rastî destdirêjiyê hat. Danişîna biryarê ya doza derbarê Ramazan Babat û 5 kesên din a bi sûcdariya “destdirêjiya biwesf a zarok”, “kes ji azadiya xwe bêpar hiştin”, “delîlan ji holê rakirinê” hatiye destpêkirin, di 3’yemîn Dadgeha Cezayê Giran a Şirnexê de hate lidarxistin. Faîl Ramazan Babat ji Girtîgeha Tîpa T ya Xelatê bi Pergala Deng û Dîmen (SEGBÎS) tev li danişînê bû. Parêzerên Wezareta Malbat û Xizmetên Civakî û parêzerên Babat jî di danişînê de amade bûn.&nbsp;

	&nbsp;

	24 SAL CEZA DAN FAÎL&nbsp;

	&nbsp;

	Danişîn bi tespîta nasnameyan dest pê kir û bi parastinan domiya. Şandeya dadgehê biryara xwe eşkere kir. Ji sûcên “ji holê rakirina delîlan”, “kes ji azadiya xwe bêpar hiştinê” bersûc Çetîn Babat, Emîn G., Sadî Babat, Şehmûs Babat û Yilmaz G. beraet kirin. Dadgeh derbarê bersûc Ramazan Babat jî ji sucê “destdirêjiya biwesf a zarok”, 18 sal, ji sûcê “kes ji azadiya xwe bêpar hiştinê” 6 sal, bi giştî biryara 24 sal cezayê hefsê da.

	&nbsp;