
Polîsan li Semsûrê dest danîn ser konteynirên rêxistinên civakên sivîl 

2023-12-14 14:01:10


	&nbsp;

	SEMSÛR - Komeleya Rêvebirina Karesatê û Piştevaniyê ji bo rêxistinên civaka sivîl ên ji bo jin û zarokan xebatan dimeşîn konteynir tehsîs kiribû. Polîsan, dest danîn ser konteyniran.&nbsp;

	&nbsp;

	Komeleya Rêvebirina Karesatê û Piştevaniyê (DMS) ji bo rêxistinên civaka sivîl ên li Semsûrê ji bo piştevaniya bi mexdûrên erdhejê re xebatan dikin, konteynir veqetandibû. Polîsan û AFAD’ê bi hinceta “giliyê xwediyê milk heye” dest danîn ser konteyniran.&nbsp;

	&nbsp;

	Komeleya Ziman û Çandê ya Feratê (Ferat-Der), Komeleya Jinan a Rozayê û Komeleya Zarokan a Rengareng ji bo zarok û jinên bûne mexdûrê erdhejê xebat dimeşandin û konteynirên wan bi wesayîtên AFAD’ê hatin rakirin û birin qada AFAD’ê ya li Semsûrê. &nbsp;

	&nbsp;

	RÊXISTINÊN CIVAKA SIVÎL BERTEK NÎŞANDAN&nbsp;

	&nbsp;

	Bi hatina polîs û komên AFAD’ê re rêveberên Partiya Wekhevî û Demokrasiyê ya Gelan (DEM Partî) a Semsûrê û nûnerên rêxistinên civaka sivîl ên li qadê bertek nîşan dan.&nbsp;

	&nbsp;

	Hevserokê DEM Partiyê yê Semsûrê Huseyîn Coşkun da zanîn ku di dema erdhejê de li qada behsa mijarê pêdiviya xwarinê ya bi hezaran mexdûrên erdhejê pêşwazî dikirin û wiha got: “Li cihê ku dewlet nediçûyê van komeleyan xizmet ji gel re kir. Niha jî tevî peymana kirêyê jî qada aydê komeleyê bi awayeke derhiqûqî tê valakirin. Em vê bêhiqûqtiyê qebûl nakin.”&nbsp;

	&nbsp;

	'EM JI BO JINAN LI VIR IN’&nbsp;

	&nbsp;

	Ji Komeleya Jinan a Rosayê parêzer Berfîn Polat jî bertek nîşanî biryarê da û ev tişt anî ziman: “Bi erdhejê re me li Semsûrê bi awayeke koordîneyî xebat meşandin. Xebatên me hêj didomin. Li qada ku niha desteser kirine konteynirên me henen. Em ji bo xebatên psîko-sosyal li vir in. Heke ev qad were valakirin jî dê xebatên me yên li herêma erdhejê bidomin.”&nbsp;

	&nbsp;

	Polîsan nehiştin nûnerên partî û saziyan bikevin qadê û hat gotin ku dê konteyniran veguhêzin qada AFAD’ê.&nbsp;

	&nbsp;