
Bêyî plana îmarê li qeraxa çem destûra înşeatê hatiye dayîn

2023-12-08 09:24:08


	&nbsp;

	MÊRDÎN - Hat diyarkirin ku di projeya înşaata "Avlû Mardînê" de ku li navçeya Artûklûyê tê çêkirin, plansaziya îmarê tune ye û nêrînên saziyan nehatine girtin.

	&nbsp;

	Li herêma Akresê ya navçeya Artûklûya Mêrdînê li qeraxa çem projeya înşaetê ya bi navê "Avlû Mardînê" tê çêkirin. &nbsp;Projeya ku di rojên dawî de li bajêr bi bîlboardan reklama wê tê kirin, ji aliyê Şîrketa Wenusê li ser devereke 66 hezar û 710 metrekare tê çêkirin. Tê payin di çarçoveya projeyê de 337 avahî û 69 vîla bên çêkirin.&nbsp;

	&nbsp;

	Projeya ku di plansaziya îmarê de ji bo 5 blokan destûra 9 qatan hatiye dayîn, di reklama hatiye kirin de wekî avahiyên 11 qatî hatiye nîşandan. Proje li ber çavên Şaredariya Artûklûyê ya AKP'î û Şaredariya Bajarê Mezin a Mêrdînê ya qeyûm tayinî wê hatiye kirin, tê çêkirinç Lê derket holê ku di vê projeyê de gelek nelêritî hene.&nbsp;

	&nbsp;

	PLANA ÎMARÊ TUNE YE

	&nbsp;

	Li gor agahiyên bi dest ketine; têkildarî qada di statuya erseyê de plana îmarê ya nazimê tune ye û nêrînên saziyên têkildar hatine paşguhkirin. Li vê qada ku bêyî sazî nêrînên xwe bibêjin destûra çêkirina înşeatê lê hatiye dayîn, rêya projeyê jî li ser çem hatiye nîşandan.&nbsp;

	&nbsp;

	Hat hînkirin ku destûrên hatine dayîn nelirê ne û hat derpêşkirin ku Serokê Daîreya Îmarê B.K. û Sekreterê Giştî M.S. yê Şaredariya Bajarê Mezin a Mêrdînê ya qyeûm tayinî wê hatiye kirin, destûra projeyê dane.&nbsp;

	&nbsp;

	MA / Ahmet Kanbal&nbsp;

	&nbsp;