
Di wesayîta li Kerboranê ji hêla polîsan ve hatibû dorpêçkirin de teqîn çêbû 

2023-12-03 14:58:41


	&nbsp;

	MÊRDÎN - Li navçeya Kerboranê wesayîtek ji hêla polîsan ve hate dorpêçkirin û di wesayîtê de teqîn çêbû. Hat îdiakirin ku di teqînê de du endamên HPG’ê jiyana xwe ji dest dane.&nbsp;

	&nbsp;

	Hat zanîn ku îro di saetên serê sibehê de li navçeya Kerboran a Mêrdînê di wesayîtekê de teqîn çêbû. Li gorî agahiyan; du kes di wesayîtê de bûn û li cihekî nêzî petrola di ketina navçeyê de hate sekinandin. Hat zanîn ku wesayît ji hêla polîsan ve hate dorpêçkirin û di wesayîtê de teqîn çêbû. Hat diyarkirin ku kesên di wesayîtê de banga “teslîm bibin” red kirin û teqemeniyên bi xwe re teqandin.&nbsp;

	&nbsp;

	Hat îdiakirin ku her 2 kesên di wesayîtê de endamên HPG’ê ne.&nbsp;

	&nbsp;

	Cenazeyên her du kesan rakirin morga Nexweşxaneya Perwerde û Lêkolînê ya Mêrdînê.&nbsp;

	&nbsp;

	DI SERDEGIRTINÊN MALAN DE ZAROK HATIN DERBKIRIN

	&nbsp;

	Piştşî bûyerê, polîsan bi ser mala welatiyê bi navê M.R.G. ku tê îdiakirin wesayît kirê kiriye de girtin. Hat zanîn ku di dema serdegirtina malê de M.R.G. li malê nebû û zarokên biçûk ji hêla polîsan ve hatin derbkirin.&nbsp;

	&nbsp;