
Qeyûm 20 milyon TL lê xerc kir, paşê bêheq dewr kir

2023-12-02 09:17:43


	&nbsp;

	AMED - Qeyûmê Şaredariya Bajarê Mezin a Amedê, Qada Pîknîkê ya Devegeçîdiyê ku 2 sal berê bi 20 milyon TL'yî ew nû kiribû, bêheq dewrî Midûriyeta Perwerdehiya Neteweyî ya Bajêr kir.

	&nbsp;

	Şaredariya Bajarê Mezin a Amedê ku di bin rêveberiya qeyûm de ye, beriya hilbijartina xwecihî ya 2024'an bênavber mal û milkên şaredariyê difiroşe û dewrî saziyên fermî dike. Meclisa şaredariyê ya ku qeyûm ew ji karmendan pêk aniye, di 13'ê Mijdarê de civiya û çend biryar girtin. Di nava van biryaran de veguheztina Qada Pîknîkê ya Devegeçîdiyê jî heye ku li ser pêşniyaza Daîreya Pêşvebirina Çavkaniyan û Têkiliyan hat nîqaşkirin.

	&nbsp;

	Bi biryara hat girtin re Qada Pîknîkê ya Devegeçîdiyê ku aîdî şaredariyab bajarê mezin e û di nava sînorên navçeya Peyasê de ye, bi her awayî bêheq dewrî Midûriyeta Perwerdehiya Neteweyî ya Bajêr hat kirin.

	&nbsp;

	19 MILYON Û 836 HEZAR TL HATIBÛ XERCKIRIN

	&nbsp;

	Qada Pîknîkê ku qeyûm bêheq ew dewr kir, di sala 2021'ê de bi 20 milyon TL'yî hatibû nûkirin. Şîrketa MADE'yê di 12'ê Tebaxa 2021'ê de bi 19 milyon û 836 hezar û 724 TL'yî îhaleya nûkirina qada pîknîkê wergirtibû.&nbsp;

	&nbsp;

	MA / Mujdat Can&nbsp;

	&nbsp;

	&nbsp;

	&nbsp;