
KESK dê di 2’yê kanûnê de mitîngekê li dar bixe

2023-11-30 14:05:23


	&nbsp;

	STENBOL - Hevserokê Giştî yê KESK’ê Mehmet Bozgeyîk diyar kir ku desthilat hewl dide fatoreya “aboriya xerab” li kedkaran bibire û ji bo mitînga ku dê di 2’yê kanûnê de li Qada Kartalê ji aliyê KESK’ê ve bê lidarxistin banga tevlibûnê kir.&nbsp;

	&nbsp;

	Konfederasyona Sendîkayên Kedkarên Cemaweriyê (KESK) têkildarî mitînga ku dê bi dirûşmeya “Ji aliyê kedê ve budçeya gel a demokratîk” li Qada Kartal a Stenbolê li dar bixin, li Şaxa Sendîkaya Kedkarên Zanîst û Perwerdehiyê (Egîtîm Sen) ya Hejmara 6’an a Stenbolê civîneke çapemeniyê li dar xist. Ji bilî Hevserokê Giştî yê KESK’ê Mehmet Bozgeyîk sendîkayên girêdayî KESK’ê tev li bûn.&nbsp;

	&nbsp;

	Bozgeyîk ê di civînê de axivî, diyar kir ku di sala 2023’yan de hejmara bêkaran gihiştiye 9 milyonan û anî ziman ku ji her 5 ciwanan 3 bêkar in. Bozgeyîk, wiha dirêjî da axaftina xwe: “Tirkiye di nava Rêxistina Hevkarî û Pêşvebirinê ya Aboriyê (OECD) de yek ji welatên ku rêjeya enflasyonê ya herî zêde ye. Li hemû cîhanê enflasyona xurekê dikeve lê li cem me zêde dibe.&nbsp;

	&nbsp;

	’51 MILYON DI BIN SÎNORÊ BIRÇÎTIYÊ DE NE’&nbsp;

	&nbsp;

	Bozgeyîk, diyar kir ku sînorê birçîbûnê 16 hezar lîre ye, sînorê xizaniyê nêzî 49 hezar lîre ye û wiha dirêjî da axaftina xwe: “Ji nifûsa 85 milyonan 51 milyon di bin sînorê birçîtiyê de ne, 32 milyon jî di bin sînorê xizaniyê de hewl didin debara xwe bikin.&nbsp;

	&nbsp;

	Bozgeyîk diyar kir ku desthilat hewl dide fatoreya “aboriya xerab” li kedkaran bibire û daxwazên xwe rêz kirin.&nbsp;

	&nbsp;

	JI BO MITÎNGÊ BANG KIR

	&nbsp;

	Bozgeyîk ê herî dawî ji bo mitînga ku dê di 2’yê kanûnê de li Qada Kartalê li dar bixin banga tevlibûnê kir, kedkarên ku dixwazin xwedî li mafê ked û budçeya xwe derkevin vexwendin mitîngê.

	&nbsp;