
Parlamenterê HDP’ê yê berê Aksoy hate girtin 

2023-11-24 12:42:49


	&nbsp;

	STENBOL - Parlamenterê HDP’ê yê Agiriyê yê berê Halîl Aksoy ku cezayê wî yê hefsê teqez bû, hate girtin û şandin Girtîgeha Metrîsê.&nbsp;

	&nbsp;

	Parlamenterê Partiya Demokratîk a Gelan (HDP) ê Agiriyê yê berê Halîl Aksoy (77) duh di saetên serê sibehê de hate binçavkirin û girtin.&nbsp;

	&nbsp;

	Hevserokê Giştî yê Partiya Wekhevî û Demokrasiyê ya Gelan (HEDEP) Tuncer Bakirhan, têkildarî girtina Aksoy li ser hesaba xwe ya medyaya dijîtal peyamek parve kir.&nbsp;

	&nbsp;

	Bakirhan, di parvekirina xwe de wiha got: “Parlamenterê me yê serdema berê yê Agiriyê Halîl Aksoy, bi sedema cezayê girtinê yê teqez hate girtin û şandin Girtîgeha Metrîsê. Yên ku çete û kujeran bi lîstina hiqûqê diparêzin, bi hiqûqa dijminatiyê nêzî siyasetmedar û muxalîfan dibin. Em soz didin ku dê vê pergala rizî û bêedalet biguherînin. Aksoy 77 salî ye û pirsgirêkên wî yên giran ên tenduristiyê hene. Divê cezayê wî tavilê bê taloqkirin û bê berdan.”&nbsp;

	&nbsp;

	Hat zanîn ku di doza bi îdiaya “Endamtiya rêxistinê” de 8 sal û 9 meh cezayê hefsê li Aksoy hatibûn birîn û piştî teqezbûna vî cezayî hate girtin û şandin Girtîgeha Tîpa R a Metrîsê.&nbsp;

	&nbsp;