
'Meşa Azadiyê’ dest pê kir

2023-11-18 12:09:23


	&nbsp;

	ŞIRNEX/RIHA - Xelkê Botanê û Rihayê ji bo tev li "Meşa Azadiyê" bibin berê xwe dan Amedê û dê li vir bi baskê Amedê re dest bi meşê bikin.&nbsp;

	&nbsp;&nbsp; &nbsp;

	Ji bo rakirina tecrîda li ser Rêberê PKK’ê Abdullah Ocalan û mîsogerkirina azadiya wî ya fizîkî, bi pêşengiya Tevgera Jinên Azad (TJA), Partiya Herêmên Demokratîk (DBP), TUHAD-FED, MEBYA-DER &nbsp;û Partiya Wekhevî û Demokrasiyê ya Gelan (HEDEP), ber bi navçeya Gemlîkê ya Bûrsayê ve "Meşa Azadiyê" tê lidarxistin. Welatiyên ji Şirnexê û navçeyên di seatên serê sibehê de li navçeya Cizîrê ya Şirnexê kom bûn.&nbsp;

	&nbsp;&nbsp; &nbsp;&nbsp;

	Xelkê Botanê li wesayîtên xwe siwar bûn û ber bi Amedê ve bi awayekî girseyî û bi coş bi rê ketin. Girseya ku li Amedê kom bibe wê ber bi Gemlîkê ve bimeşe. &nbsp; &nbsp;

	&nbsp;

	'EM LI DIJÎ TECRÎDÊ DIMEŞIN'

	&nbsp;

	Beriya ku meşvan derkevin rê, Parlamenterê HEDEP'ê yê Şirnexê Mehmet Zekî Îrmez daxuyanî da. Îrmez wiha got: “Em niha li ser rêya Gemlîkê ne. Ev &nbsp;25 sal in ku tecrîdeke giran li ser birêz Ocalan û hevalên wî tê meşandin. Ji ber vê me li dijî tecrîdê dest bi pêngavek nû kir. Ev pêngava me dê berdewam bike. Her çendî astengî hebin jî em ê nesekinin. Weke Botanê em ê ber bi Girava Îmraliyê ve bimeşin. Meşa me wê li Amedê dest pê bike. Daxwaza me ew e ku hemû rêxistinên demokratîk û azadîxwa beşdarî vê meşê bibin û di demek zûtirin &nbsp;de ev tecrîd bê rakirin. Em ji bo azadiyê bimeşin Gemlîkê."

	&nbsp;

	Girse bi berzkirina dirûşmên "Bê Serok jiyan nabe" û "Ji tecrîdê re na" bi rê ket.&nbsp;

	&nbsp;

	

	&nbsp;

	RIHA&nbsp;

	&nbsp;

	Li Rihayê jî ji bo tev li Meşa Azadiyê bibin li navçeya Cûrnê Reş civiyan. Heta ku gel amadekariyên xwe temam kir, dirûşmên wek "Bijî Serok Apo" û "Bê Serok Jiyan nabe" berz kirin. Piştî amadekariyan welatî li wesayîtên xwe siwar bûn û ji bo basê meşê yê Amedê bibin, berê xwe dan navenda Amedê.&nbsp;

	&nbsp;