
Zarokên Leylayê xwestin kujer bê cezakirin 

2023-11-17 16:30:50


	&nbsp;

	ŞIRNEX - Danişîna ewil a bersûc Hasan Karaaslan ku hevjîna xwe Leyla Karaaslan û 3 zarokên xwe kuştibû, hat lidarxistin. Malbata Leylayê wekî şahid beşdarî danişînê bû û malbatê da zanîn bersûc tundiya sîstematîk kiriye û xwestin bê cezakirin.&nbsp;

	&nbsp;

	Li Taxa Yenî ya navçeya Hezexa Şirnexê Hasan Karaaslan hevjîna xwe Leyla Karaaslan û 3 zarokên xwe di 24'ê tebaxa 2022'yan de kuştibû. Danişîna ewil a doza kujer Karaaslan bi sûcê "Kuştina bi zanebûn a hevjîn û zarokên xwe" jê tê darizandin li 2'yemîn Dadgeha Cezayê Giran a Cizîrê hat lidarxistin. Parêzera Wezareta Xizmeta Civakî û Malbatê û malbata Leylayê tev li rûniştinê bûn. Bersûc Hasan Karaaslan jî bi hinceta ku randevûya wî ya bijîşkê psîkîyatrîst li Xarpêtê hebûye beşdarî danişînê nehat kirin.&nbsp;

	&nbsp;

	Danişînê bi tespîta nasnameyê dest pê kir.&nbsp;

	&nbsp;

	Lawê Leylayê, Ramazan Karaaslan da zanîn bavê wî 2 malên wan firotiye û hewl daye texsiya xwe jî bifiroşe û bavê wî tundî li diya wî dikir.&nbsp;

	&nbsp;

	Lawê Leylayê, Yunus Karaaslan jî diyar kir ku pirsgirêkên derûnî yên bavê wî tune bûne. Her wiha xwişk û birayên Leylayê jî diyar kirin ku bersûc tundî li Leylayê dikir û giliyê bersûc kirin.&nbsp;

	&nbsp;

	Di heman demê de jî xwişka Leylayê, Kaniye Tekîn axivî û diyar kir ku bersûc gefa kuştinê li zarokên xwe jî dixwar.&nbsp;

	&nbsp;

	Parêzera Wezareta Xizmeta Civakî û Malbatê Esma Dogan jî xwest bersûc bê cezakirin.&nbsp;

	&nbsp;

	Dozger jî ji bo parastina bersûc bê girtin, xwest danişînek din li eywanê bê amadekirin û xwest bersûc girtî bê darizandin.&nbsp;

	&nbsp;

	Piştî navberê şandeya dadgehê danişînê taloqî çileya 2024'an kir.&nbsp;

	&nbsp;

	&nbsp;

	&nbsp;