
Cemal Tanhan hat entubekirin 

2023-11-13 15:51:08


	&nbsp;

	ÎZMÎR - Hat diyarkirin ku Cemal Tanhanê ku piştî felcî bû hat berdan, entube bûye.&nbsp;

	&nbsp;

	Hat diyarkirin ku Cemal Tanhan ku ji ber pirsgirêkên xwe yên tenduristiyê di 6'ê Mijdarê de ji Girtîgeha Tîpa F a Bolûyê hat berdan û dest bi dermankirina wî hat kirin, îro entube bûye.&nbsp;

	&nbsp;

	Tanhanê 68 salî ku 30 salan di girtîgehê de ma, piştî felcî bû di 23'yê Cotmehê de ew rakirin Nexweşxaneya Dewletê ya Îzzet Baysal û ji vir jî di 27'ê Cotmehê de sewqî Beşa Cerahiyê ya Giştî ya Nexweşxaneya Bajêr a Eskîşehîrê. Piştî serlêdanan di 6'ê Mijdarê de biryara berdanê hat kirin û teşxîs hat danîn ku pençeşêra lê peyda bûye, di asta çaran de ye.

	&nbsp;

	Keça wî Ayşe Tanhan têkildarî hevdîtina dawî ya bi bijîşkan re hin agahî parve kirin. Tanhanê bilêv kir ku bijîşkan ragiahndiye ku bavê wê pir bi zehmetî bêhnê distîmne û hindik maye dilê wî bisekine û divê bê entubekirin. Tanhanê got: "Her diçe rewşa bavê min xirabtir dibe. Bijîşkan îro got, 'me bavê te entube kiriye.' Me jî xwest bavê min sewqî nexweşxaneyeke baştir bê kirin. Lê ji ber ku tansiyona bavê min pir kêm e, niha nikarin sewq bikin. Ger tenduristiya wî hinekî baş bibe, em dixwazin wî sewqî nexweşxaneyek baştir bikin." &nbsp;