
Doza Kobanê: Mirina ewil bi destê polîsan pêk hat 

2023-11-06 18:05:03


	&nbsp;

	ENQERE- Siyasetmedara girtî Dîlek Yagli ku di Doza Kobanê d eparastin kir, diyar kir ku kesê ewil di çalakiyên 6-7-8'ê Cotmehê de jiyana xwe ji dest da bi derba polîsna jiyana xwe ji dest daye û got: "Çûna ambulansê ya cihê bûyerê hat astengkirin. Ev, di girtenameyan de tespîtkirî ne. Ev xal bi tu awayî di vê dozê de nehatin nirxandin.&nbsp;

	&nbsp;

	Rûniştina yekemîn a danişîna 40’î ya Doza Kobanê ku Hevserokên Giştî yên Partiya Demokratîk a Gelan (HDP) yên berê Fîgen Yuksekdag û Selahattîn Demîrtaş jî di nav de 18 jê girtî bi giştî 108 siyasetmedarên kurd bi hinceta bûyerên 6-8’ê Cotmeha 2014’an tê de tên darizandin, li 22’yemîn Dadgeha Cezayên Giran a Enqereyê ya li Kampûsa Girtîgeha Sîncanê hat lidarxistin.

	&nbsp;

	Siyasetmedar Dîlek Yagli, Aynûr Aşan, Sebahat Tuncel, Ayşe Yagci, Ayla Akat Ata, Zeynep Olvecî, Zeynep Kahraman, Meryem Adibellî, Îsmaîl Şengul, Alp Altinors, Nazmî Gur û Gunay Kubîlay tev li danişînê bûn. Her wiha gelek parêzer jî di danişînê de amade bûn. Hevserokên Giştî yên Partiya Wekhevî û Demokrasiyê ya Gelan (HEDEP) Tulay Hatîmogûllari û Tuncer Bakirhan jî danişîn şopandin.&nbsp;

	&nbsp;

	RÛniştina danişînê bi parastina siyasetmedar Dîlek Yagliyê dewam kir.&nbsp;

	&nbsp;

	Yagliyê bilêv kir ku tê gotin wê û hevalên wê li gor fermanê tevgeriyane. Yagliyê destnîşan kir ku HDP ne partiyeke tekparêz e û got: "HDP partiyeke piralî ye û di nava wê de ji her partiyê kes hene. Ma pêkan e ku partiyeke ev qasî rengîn ji cihekî talîmatê bigire?"

	&nbsp;

	Yagliyê di berdewama parastina xwe de bibîr xist ku pêşniyazên HDP û HEDEP'ê yên ji bo vekolandina bûyerên 6-8'ê Cotmehê bi dengên AKP-MHP'ê hatine redkirin û got: "Çima vekolandina bûyeran tê astengkirin?"

	&nbsp;

	Yagliyê di dawiya parastina xwe de diyar kir ku kesê ewil di çalakiyên 6-7-8'ê Cotmehê de jiyana xwe ji dest da bi derba polîsna jiyana xwe ji dest daye û got: "Çûna ambulansê ya cihê bûyerê hat astengkirin. Ev, di girtenameyan de tespîtkirî ne. Ev xal bi tu awayî di vê dozê de nehatin nirxandin.&nbsp;

	&nbsp;

	Şandeya dadgehê danişînê taloqî saet 10:00'ê sibê kir.&nbsp;