
Di doza Mirovên Şemiyê de daxwaza nûkirina mutalaayê hate redkirin 

2023-11-03 16:59:17


	STENBOL - Di doza Dayik/Mirovên Şemiyê de parêzeran xwest mutalaa jinûve bê amadekirin lê ev daxwaza wan hate redkirin û danişîn hate taloqkirin.&nbsp;

	&nbsp;

	Di çalakiya hefteya 700’emîn a Dayik/Mirovên Şemiyê de polîsan li Qada Galatasarayê êriş kirin û 46 Dayikên Aştiyê û parastvanên mafên mirovan bi lêdanê hatin binçavkirin. Piştre jî derheqê wan de bi îdiaya “Muxalefeta li dijî Qanûna hejmar 2911 a civîn û xwepêşandanan” doz hate vekirin. 11’emîn danişîna dozê hat lidarxistin Ji ber ku eywana dadgehê ya 21’emîn Dadgeha Cezayên Giştî ya Stenbolê biçûk bû, danişîn li 27’emîn Dadgeha Cezayên Giran hat lidarxistin. Hinek kesên dihatin darizandin û parêzerên Komeleya Hiqûqnasên ji bo Azadiyê (OHD) û Komeleya Mafên Mirovan (ÎHD) di danişînê de amade bûn. Her wiha Baroya Stenbolê weke çavdêr tev li danişînê bû û gelek parastvanên mafên mirovan jî doz şopandin.&nbsp;

	&nbsp;

	‘MUDAXILEYA POLÎSAN DERHQIQÛQÎ YE’

	&nbsp;

	Danişîn, bi tespîtkirina nasnameyan dest pê kir. Piştre jî parêzer Ahmet Cîhan parastin kir û got ku li holê sûcek nîne û mudaxileya polîsan derhiqûqî ye. Di heman demê de Cîhan biryara “binpêkirinê” ya AYM’ê bi bîr xist. Parêzer Cîhan, got ku Dayikên Şemiyê di çalakiyê de li erdê tên kaşkirin, rastî miameleya xerab tên û tên binçavkirin. Cîhan, destnîşan kir ku domandina dozê jî binpêkirina maf e û xwest biryara beraetê were dayîn.&nbsp;

	&nbsp;

	Parêzer Omer Kavîl jî polîsên êrişkar weke “rêgirên biunîforma” pênase kir. Kavîl, got ku mutalaaya hatiya amadekirin kêm e, keyfî ye û xwest mutalaa bê nûkirin. Lê belê serokê dadgehê daxwaza Kavîl a nûkirina mutalaayê red kir.&nbsp;

	&nbsp;

	Parêzer Merîç Eyûpoglû jî ji bo 3 kesên di hefteya 700’an de rastî êrişê hatin AYM’ê biryara binpêkirnê daye û pirsa; “Heke AYM’ê biryara binpêkirinê dabe, gelo ev darizandin çawa didome?” kir. Eyûpoglû xwest ku dosya jinûve were nirxandin.&nbsp;

	&nbsp;

	Piştî parastina parêzeran, serokê dadgehê biryara navberê da û daxwaza “bila tavilê bên beraetkirin” red kir.&nbsp;

	&nbsp;

	Piştre jî Dayik/Mirovên Şemiyê parastina xwe kirin û gotin ku tu sûc nekirine.&nbsp;

	&nbsp;

	DANIŞÎN HATE TALOQKIRIN

	&nbsp;

	Dozger jî xwest ku biryara kontrola edlî bidome û kesên parastina wan nehatiye girtin di rûniştina din de bên amadekirin. Dadgehê jî daxwaza dozger qebûl kir û danişîn taloqî 5’ê nîsana 2024’an kir.&nbsp;

	&nbsp;