
Rêxistinên navneteweyî banga berdana siyasetmedarên kurd kirin 

2023-11-03 14:24:08


	&nbsp;

	AMED - Rêxistinên mafên mirovan ên navneteweyî banga berdana siyasetmedarên kurdî yên girtî kirin.&nbsp;

	&nbsp;

	Rêxistina Şopandina Mafên Mirovan, Projeya Destekdayîna Dozên Mafên Mirovan ên Tirkiyeyê, Komîsyona Hiqûqzanên Navneteweyî û Federasyona Mafên Mirovan a Navneteweyî têkildarî salvegera 7’emîn a 4’ê Mijdara 2016’an ku siyasetmedarên kurd hatin girtin, daxuyaniyek nivîskî weşand.&nbsp;

	&nbsp;

	Saziyan di daxuyaniya xwe de xwest ku hikûmeta Tirkiyeyê li gorî hiqûqa navneteweyî tevbigere û biryarên ku Dadgeha Mafên Mirovan a Ewropayê (DMME) der barê siyasetmedaran da daye, bicih bê anîn. Saziyan di daxuyaniya xwe de destnîşan kir ku hevserokên berê yên Partiya Demokratîk a Gelan (HDP) yên berê Selahattîn Demîrtaş û Fîgen Yuksekdag û siyasetmedarên din jî di nav de divê demildest bên berdan.&nbsp;

	&nbsp;

	Di daxuyaniyê de hat diyarkirin ku siyasetmedar Gultan Kişanak ku ji Doza Kobanê girtî ye tevî ku dema wê ya girtinê tije bûye jî nayê berdan û Kişanak û Sabahat Tuncel bi sedemên siyasî û kêfî girtî ne û saziyan bang kir ku siyasetmedar demildest bên berdan.&nbsp;

	&nbsp;

	&nbsp;