
Derbarê rojnamevan Yildiz de daxwaza ceza hate kirin

2023-11-02 13:55:04


	&nbsp;

	ÎZMÎR - Dozger di danişîna doza rojnamevan Nazlican Nûjîn Yildiz ku ji ber daxuyaniyên di dema xwendekariyê de tevlibûyî tê darizandin de bi îdiaya “endamtiya rêxistinê” ceza xwest.&nbsp;

	&nbsp;

	Bi hinceta dema xwendekar bû tev li daxuyanî û aktîveteyan bûye bi îddiaya “endamtiya rêxistinê” li nûçegîhana JINNEWS’ê Nazlican Nûjîn Yildiz doz hatibû vekirin. 4'emîn danişîna dozê li 21'emîn Dadgeha Cezayê Giran a Îzmîrê ya li Edliyeya Bayrakliyê hat lidarxistin. Nûjîn û parêzerên wê li di danişînê de amade bûn. Hevalên Nûjinê jî doz şopandin.&nbsp;

	&nbsp;

	Danişînê piştî tespîta nasnameyan dest pê kir. Parêzeran xwestin şertê kontrola edlî li ser Yildizê rabe û metaryalên dîjîtal ên aydê Yildizê bên teslîmkirin.&nbsp;

	&nbsp;

	DOZGER DAXWAZA CEZA KIR

	&nbsp;

	Dozger di mutalaaya xwe de anî ziman ku Înîsiyatîfa Xwendekarên Azad ku Yildiz di dema xwendekariyê de di nav de bû bi fermana rêxistinê hatiye avakirin. Dozger ê xwe spart îfadeyên şahid Buse Aslan û şahidê veşartî Dokûz, got Yildiz bi fermana rêxistinê tev geriyaye û xwest bê cezakirin. Parêzerên Yildizê ji bo li dijî mutalayê parastinê bikin daxwaza demê kirin. &nbsp;

	&nbsp;

	KONTROLA EDLÎ HATE RAKIRIN

	&nbsp;

	Şandeya dadgehê biryara berdewama qedexeya derketina derve û rakirina şertê kontrola edlî ya îmzeyan da û danişîn taloqî 7'ê kanûnê kir.

	&nbsp;

	&nbsp;

	&nbsp;