
Biryara bihincet a biryara beraetkirina rojnamegeran: Bi inyeta çêkirina nûçeyê tevgeriyan  

2023-10-19 15:17:11


	ENQERE - Di biryara bihincet a biryara beraetê ya rojnameger Firat Can Arslan û Dîlan Babatê de hat gotin ku rojnameger bi inyeta çêkirina nûçeyê tevgeriyan.&nbsp;

	&nbsp;

	Endama Navenda Lêkolînên Jineolojiyê û rojnameger Nagihan Akarsel li bajarê Silêmaniye yê Herêma Federe ya Kurdistanê ji hêla endamên MÎT’ê ve hate qetilkirin. Dema nûçegihanê ajansa me Firat Can Arslan û nûçegihana JINNEWS’ê Dîlan Babat di 13’ê cotmeha 2022’yan de merasîma definkirina cenazeyê Akarsel dişopandin, hatin binçavkirin.&nbsp;

	&nbsp;

	Her du rojnamegeran jî bi îdiaya “Kesên di têkoşîna li dijî terorê de cih girtin hedef nîşan daye” li emniyetê îfade dan û piştre hatin berdan. Piştre jî li 2’yemîn Dadgeha Cezayên Giran a Konyayê doz hate vekirin û dozger mutalaa pêşkeş kir. Tevî vê yekê jî darizandin di 5’ê cotmehê biencam bû dadgehê got ku tawanbariya tê kirin bêbingeh e û ji bo her du rojnamegeran biryara beraetê da.&nbsp;

	&nbsp;

	Dadgehê, biryara xwe ya bihincet amade kir û got ku rojnamegeran ji hedefnîşandana cendirmeyan zêdetir, bi inyeta çêkirina nûçeyê Akarsel tevgeriyane. Her wiha dadgehê destnîşan kir ku tu ewraq nînin ku cendirmeyên rûyê wan xuya dikir di “têkoşîna li dijî terorê de” cih girtine yan na. Dadgehê got ku lewma hewldaneke ji bo hedefnîşandanê tune ye.&nbsp;

	&nbsp;

	DOZGERIYÊ ÎTÎRAZ KIR

	&nbsp;

	Lê belê Serdozgeriya Komarê ya Konyayê îdia kir ku biryara beraetê ya rojnamegeran li dijî usûl û qanûnan e û serî li Dadgeha Edliyeyê ya Herêma Konyayê da.&nbsp;

	&nbsp;