
Cenazeyê rojnameger Salaz li Wanê hate definkirin 

2023-10-18 14:27:14


	&nbsp;

	WAN - Rojnameger Necmettîn Salaz ku li nexweşxaneyeke Herêma Federe ya Kurdistanê jiyana xwe ji dest da, li Wanê bi tevlibûna sedan kesan hate definkirin.&nbsp;

	&nbsp;

	Rojnameger Necmettîn Salaz ku li nexweşxaneyeke Herêma Federe ya Kurdistanê dihat tedawîkirin û di 14’ê cotmehê de jiyana xwe ji dest da, li Wanê hate definkirin. Cenazeyê Salaz di saetên serê sibehê de gihişt Wanê. Ji ewil birin morga Goristana Akkopruyê û piştre jî birin Mizgefta Boyalarê. Cenaze ji hêla Hevserokê Komeleya Rojnamegeran a Dîcle Firat (DFG) Serdar Altan, endam, rêveber û nûnerên Partiya Wekhevî û Demokrasiyê ya Gelan (DEHEP), Partiya Herêmên Demokratîk (DBP), TUHAY-DER, MEBYA-DER, KESK û rêxistinên civaka sivîl ve hate pêşwazîkirin.&nbsp;

	&nbsp;

	KETINA GEL A GORISTANÊ HATE ASTENGKIRIN

	&nbsp;

	Piştî nimêja nîvro ya li Mizgefta Boyalarê, cenazeyê Salaz birin Goristana Akkopruyê ya li navçeya Tûşbayê. Derdora goristanê ji hêla polîsan ve hate dorpêçkirin û ji bilî endamên malbatê nehiştin tu kes tev li merasîma definkirinê bibe. Piştî bertekên gel, polîsan gotin ku ferman girtine û dê destûrê nedin tu kes tev li bibe.&nbsp;

	&nbsp;

	HATE OXIRKIRIN&nbsp;

	&nbsp;

	Girse li derveyî goristanê hate sekinandin û 30 endamên malbata Salaz cenaze defin kirin. Piştre jî girse derbasî Mala Şînê ya Mizgefta Haretiyeyê ya Berê ku li ser Rêya Kaleyê ye.&nbsp;

	&nbsp;

	SERDANÊN ŞÎNÊ BERDEWAM IN&nbsp;

	&nbsp;

	Şîn dê du rojan berdewam bike.&nbsp;

	&nbsp;