
Şaxa SES'ê ya Rihayê rêveberiya xwe ya nû bijart 

2023-10-15 18:32:04


	&nbsp;

	RIHA - Şaxa SES'ê ya Rihayê kongreya xwe ya 11'emîn li dar xist û rêveberiya nû bijart.&nbsp;

	&nbsp;

	Şaxa Sendîkaya Kedkarên Tenduristiyê û Xizmeta Civakî (SES) a Rihayê kongreya xwe ya 11'emîn li dar xist. Kongre bi dirûşma "Ji bo tenduristiya gelan ji tecrîd û şer ra na" li Eywana Konferansê ya Baroya Rihayê hat lidarxistin. Kedkarên tenduristiyê, nûnerên partiyên siyasî û Platforma Ked û Demokrasiyê beşdarî kongreyê bûn. Pankartên &nbsp;“Ji şer re na", "Nexweşiya herî mezin bindestiya civakê ye", “Jin jiyan azadî" û "OHAL û KHK wê biçin û em ê bimînin" û wêneyên qurbaniyên Komkujiya li Gara Enqereyê pêk hatibû li eywanê hatin daliqandin.

	&nbsp;

	Kongreyê bi rêzigirtinê û hilbijartina dîwanê dest pê kir. Sînevziyonek li ser xebat û têkoşîna SES'ê hat nîşandan.&nbsp;

	&nbsp;

	LI DIJÎ TECRÎDÊ NERAZÎBÛN

	&nbsp;

	Hevseroka Şaxa SES'a Rihayê Eylem Salar axivî û bal kişand ser dijminatiya li kurdan tê kirin û got desthilatdariya AKP-MHP'ê dijminatî û neheqiyê ji xwe re wek mafekî dibîne. Salar anî ziman ku tecrîda li ser Rêberê PKK'ê Abdullah Ocalan hatiye destpêkirin li her qadên jiyanê xwe dide nîşandan û divê têkoşîn were mezinkirin û her kes bi berpirsiyar xwe rabe. Salar xwest mafê zimanê dayikê yê li qada tenduristiyê bê qebûlkirin û rê li ber tundiya di qada tenduristiyê de bê girtin.&nbsp;

	&nbsp;

	Hevserokê Şaxa SES'a Rihayê Salîh Karataş jî bal kişand ser pirsgirêka kurd û destnîşan kir ku çavkaniya hemû krîzan tecrîd û pirsgirêka kurd e û xwest dawî li tecrîdê bê anîn.&nbsp;

	&nbsp;

	RÊVEBERIYA NÛ

	&nbsp;

	Piştî xwendina raporên xebat û kontrolê hilbijartin pêk hat. Ji bo rêveberiya nû ya Şaxa SES'ê Fîgen Saat, Ferhat Demîr, Ahmet Dogan, Mûrat Ûçar, Muzlum Baz, Salîh Tekînalp û Hazal Balim hatin hilbijartin.&nbsp;

	&nbsp;