
Li Bagokê operasyon, li Omeriya şer 

2023-10-11 08:38:36


	MÊRDÎN - Li aliyekî hê operasyona li Çiyayê Bagokê didome li aliyekî din jî hat ragihandin ku li herêma Omeriya jî di navbera endamên HPG’ê û leşkerên tirk de şer diqewime.&nbsp;

	&nbsp;

	Li gundên Xerabêelî, Hibabê, Badibê, Ewşî, Erboyî, Bahminê, Yol û Şekrînê yên li Çiyayê Bagokê ku bi ser navçeya Nisêbîna Mêrdînê ve ne, ji bo dema 15 rojan “Herêma Ewlehiya Taybet a Demkî” hat ragihandin.&nbsp;

	&nbsp;

	Walîtiya Mêrdînê daxuyanî da û diyar kir ku li Çiyayê Bagokê operasyona leşkerî ku hatiye destpêkirin, berdewam dike.&nbsp;

	&nbsp;

	Hat zanîn ku li gundê Cinata yê bi ser herêma Omeriya Nisêbînê ve jî di navbera endamên HPG’ê û leşkerên tirk de şer qewimî ye.&nbsp;

	&nbsp;

	Hat diyarkirin ku di şer de fermanderek, leşkerek û 2 cerdevan birîndar bûne. Birîndaran rakirin Nexweşxaneya Perwerdehiyê û Lêkolînê ya Mêrdînê. Hat îdiakirin ku leşkerên hatine kuştin jî hene.&nbsp;

	&nbsp;

	Li aliyê din hat zanîn ku 2 cenazeyên ku aîdî endamên HPG’ê ne jî rakirine morga Nexweşxaneya Perwerdehiyê û Lêkolînê ya Mêrdînê.&nbsp;

	&nbsp;