
Dewleta tirk bi SÎHA’yan êrişî santrala ceyranê û stasyona petrolê kir 

2023-10-05 14:59:57


	&nbsp;

	NAVENDA NÛÇEYAN - Dewleta tirk bi SÎHA’yan êrişî santrala ceyranê û stasyona petrolê ya Bakur û Rojhilatê Sûriyeyê kir.&nbsp;

	&nbsp;

	Êrişên hewayî yên dewleta tirk ên li dijî Bakur û Rojhilatê Sûriyeyê berdewam in. Piştî daxuyaniya Wezîrê Karên Derve yê Dewleta Tirk Hakan Fîdan, dewleta tirk di êrişên xwe de santrala ceyranê û stasyona petrolê hedef girt.&nbsp;

	&nbsp;

	Li gorî nûçeya ANHA’yê; mezreya Mişêrfe Himê ya Hesekê, wesayîteke li ser rêgeha Himê, stasyona Himê, derdora kampa Waşokanî, gundê Tiwêla yê Til Temirê, bendava li gundê Til Hebeş û ya li navçeya Çilaxa ya Qamişloyê 11 caran hatin bombebarankirin.&nbsp;

	&nbsp;

	Di encama bombebarankirina mezraya Mişêrfe Hime ya li ser rêya Til Temir-Hesekê de welatiyên bi navên Elî Hemo Naso (70), Beşîr Îsa Hemîd (49), Ebdulezîz El Mihemed û Ednan Behro Ebdullah birîndar bûn.&nbsp;

	&nbsp;

	Santrala Ceyranê ya Bendava Xerbî de Hesekê jî bi Balafirên Biçek û Bêmirov (SÎHA) hate bombebarankirin. Hêjayî bibîrxistinê ye ku beşeke mezin a Hesekê û çoltarên wê ceyrana xwe ji vê santralê pêşwazî dike.&nbsp;

	&nbsp;

	Her wiha stasyona petrolê ya Seîde ya bajarê Tirbespiye ya Kantona Qamişlo jî hate bombebarankirin. Stasyona petrolê ya Seîdê ya li Tirbespiyê ku li herêmê girîngtirîn avahiya stratejîk e û ji 2 stasyonên sereke pêk tê, di heman demê de ceyranê dide kuleyên ragihandinê yên zêdetirî 15 gundên bakurê navçeyê.&nbsp;

	&nbsp;