
Nagihan Akarsel li ser gora xwe hat bibîranîn  

2023-10-04 15:49:33


	NAVENDA NÛÇEYAN – Endama Navenda Lêkolînên Jineolojiyê û rojnamevan Nagihan Akarsel a li Silêmaniyê hatibû qetilkirin, di salvegera yekemîn de li ser gora xwe ya li Cîhanbeyliyê hat bibîranîn.&nbsp;

	&nbsp;

	Endama Navenda Lêkolînên Jineolojiyê û rojnamevan-nivîskar Nagihan Akarsel di 4’ê Cotmeha 2022’yan de li bajarê Silêmaniyê hatibû qetilkirin. Akarsel li ser gora xwe û li gelek bajaran hat bibîranîn.

	&nbsp;

	KONYA

	&nbsp;

	
	&nbsp;

	Bîranîna ewil li ser gora Akarsel a li gundê Golyaziya bi ser navçeya Cîhanbeyliya Konyayê ve hat kirin. Parlamenterên Partiya Çepên Kesk Adalet Kaya, Zeynep Oduncu, Sebahat Erdogan, aktîvîstên Tevgera Jinên Azad (TJA) û rêveberên Kongreya Demokratîk a Gelan (HDK), Partiya Demokratîk a Gelan (HDP) yê Enqere û Konyayê, berdevkên Partiya Herêmên Demokratîk ên herêma Anatoliya Navîn, xebatkarên Kovara Jineolojiyê, endamên Komeleya Rojnamevanan a Dîcle Firatê (DGF), malbata Akarsel û xizmên wê beşdarî bîranînê bûn. Li sere gorê rêz hat girtin û beşdaran qerenfîl danîn ser gora wê.

	&nbsp;

	‘KESAYETA WÊ YA REWŞENBÎRÎ RÊYA ME RONÎ DIKE’&nbsp;

	&nbsp;

	Parlamenter Adalet Kaya bal kişand ser kesayeta Nagihan Akarsel û wiha got: “Ew jinek têkoşer û berxwedêr bû. Wê her tim lêgerîn dikir û hişê wê yê ronahî rê nîşanî me dida. Her gotinek wê wê qala berxwedanê dikir. Li dijî dinyaya serweriya mêran û polîtîkayên tundiyê her tim jêpirsîn kir û nêrînek wê ya ronakbîriyê hebû. Ji bo me hemûyan xwedî cihek taybet bû. Gelek qîmet dida serpêhatiye her jinekê. Wê rêya azadiyê bo jinan vekir. Em ê jî li ser xet û kevneşopiya wê bin, dest jê bernedin û têkoşîna wê li erdê nehêlin.”&nbsp;

	&nbsp;

	MÊRDÎN

	&nbsp;

	
	&nbsp;

	Ji bo Nagîhan Akaresel li eywana konferansa Rêxistina HDP'ê ya Mêrdînê jî bernameya bibîranînê hat lidarxistin. Bi pêşengiya Tevgera Jinên Azad (TJA), bi beşdariya Dayikên Aştiyê û gelek jinan bername hat lidarxistin. &nbsp;

	Li eywanê wêneyên Akarsel danîn ser maseyê û find hatin pêxistin. Ji bo bîranîna wê deqeyek rêz hat girtin. Çalakiyê bi pêşandana sînevizyonê dewam kir. Bi sînevizyonê mijara têkoşîna jiyanê ya Nagîhan Akarsel hat vegotin û jinan dirûşma "Jin jiyan azadî" berz kirin. Piştî sînevizyonê Dayikên Aştiyê kilamên kurdî strîn.&nbsp;

	&nbsp;

	
		WAN
	
		
		&nbsp;
	
		Li Wanê jî TJA’yê ji bo bîranîna Akarsel bernameyek li dar xist. Bername li avahiya HDP’a Wanê pêk hat û wêneyên wê hatin daliqandin. Ji bo bîranîna Akarsel û cangoriyên têkoşîna azadiyê rêz hat girtin. Aktîvîsta TJA’yê Hatîce Kiye axivî û da zanîn ku wê qetlîam û êriş nikaribin têkoşîna jinan têk bibin û ew ê her tim girêdayî bîranîn û têkoşîna Nagihanê bimînin û têkoşîna wê bidomînin.&nbsp;
	
		&nbsp;
	
		Endama Desteya Weşana Kovara Jineolojiyê Neslîhan Şedal jî axivî û anî ziman ku bi qetilkirina Nagihan hat xwestin têkoşîna azadiyê ya jinên kurd bikin hedef û têk bibin.&nbsp;
	
		&nbsp;
	
		Piştî axaftinan sînevziyona ku qala jiyana Akarsel dikir hat nîşandan.


	&nbsp;

	EDENE&nbsp;

	&nbsp;

	
	&nbsp;

	Meclisa Jinan a HDP’a Edeneyê û TJA’yê li avahiya HDP’a Edeneyê bernameya bîranîna bo Akarsel li dar xistin. Hevseroka HDP’a Navçeya Seyhana Edeneyê Şukran Efeturk axivî û destnîşan kir ku wan pênûsa Nagihanê li erdê nehiştiye û wê li ser xeta wê berxwedana xwe bi dirûşma ‘Jin jiyan azadî’ berdewam bikin.&nbsp;

	&nbsp;

	Bîranîn bi nîşandana sînevziyonê qediya.&nbsp;

	&nbsp;

	MÊRSÎN&nbsp;

	&nbsp;

	Meclisa Jinan a HDP’a Mêrsînê û TJA’yê li avahiya HDP’a Mêrsînê bernameya bîranînê li dar xistin û Akarsel bi bîr anîn. Bîranînê bi deqîqeyek rêz girtinê dest pê kir. Aktîvîsta TJA’yê Ayşe Etîz axivî û diyar kir ku ew ê her tim têkoşîna xwe ya azadiyê mezin bikin û dê jiyana azad ava bikin.&nbsp;

	&nbsp;

	
		ÎZMÎR
	
		&nbsp;
	
		
		Aktîvîstên TJA’yê li avahiya HDP’ê ya Îzmîrê ji bo Akarsel bernameya bîranînê li dar xistin. Parlamentera Partiya Çepên Kesk a Îzmîrê Burcu Gul Çubukçu û gelek jin tev li bernameyê bûn. Wêneyên Akarsel hatin daliqandin û sînevziyona qala têkoşîn û jiyana wê dikir hat nîşandan. Jinan di bîranînê de dirûşma “Jin jiyan azadî” berz kirin. Parlamenter Burcu Gul Çubukçu di bernameyê de axivî û diyar kir ku Nagihan Akarsel mîrateyek bêhempa li pey xwe hiştiye û berzkirina dirûşma ‘Jin jiyan azadî’ li pey Nagihanê gelek bi wate ye û xwedî li mîrateya wê derkevin.&nbsp;
	
		&nbsp;
	
		&nbsp;
	
		&nbsp;
	
		&nbsp;


	&nbsp;

	&nbsp;

	&nbsp;