
Soylû ew hedef nîşan dabû: Heta 15 salan ceza jê re tê xwestin

2023-10-02 09:04:09


	&nbsp;

	STENBOL - Suleyman Soylû endamê Meclisa Ciwanan a HDP’ê yê berê Husamettîn Tanrikûlû hedef dabû nîşandan û hatibû girtin. Parêzera wî Nagehan Avçil got di danişîna bê lidarxistin de dê biryarek bêteref neyê dayîn.&nbsp;

	&nbsp;

	Serdozgeriya Komarê ya Stenbolê di îloana 2022’yan de lêpirsînek dabû destpêkirin. Di çarçoveya vê lêpirsînê de endamê Meclisa Ciwanan a Partiya Demokratîk a Gelan (HDP) Huamettîn Tanrikulu hatibû binçavkirin. Wezîrê Karên Navxweyî yê wê demê Suleyman Soylû, Tanrikûlû hedef dabû nîşandan.&nbsp;

	&nbsp;

	Li ser hedefnîşandana Soylû, Tanrikûlû bi îdiaya “endamtiya rêxistinê” hat girtin. Danişîna biryarê ya doza Tanrikulu di 3’yê cotmehê de wê li 29’emîn Dadgeha Cezayê Giran a Stenbolê bê lidarxistin.&nbsp;

	&nbsp;

	Tê îdiakirina ku der barê Tanrikûlû de delîlên “endamtiya rêxistinê” hene, îfadeyên du kesan li serê hene, agahiyên îstîxbaratî li ser henê û “maîla îxbarê” ku tê gotin wê Tanrikulu di 9’ê Cotmeha 2021’ê de “tev li rêxistinê bibe” ji bo Midûriyeta Polîsan a Silopiya hatiye şandin, di îdianameya wî de cih digire.&nbsp;

	&nbsp;

	Kezban Kuday û Şiyar Aydin ku der barê bi dehan kesan de îfade dane jî diyar kirine ku Tanrikulu di çarçoveya xebatên siyasî de xebatan bi rê ve biriye û tu xebatek rêxistinî nekiriye.&nbsp;

	&nbsp;

	EMNIYETÊ MAÎL ŞANDIYE&nbsp;

	&nbsp;

	Di danişîna ewil a doza Tanrikulu de hat tespîtkirin ku ew “maîla îxbarê” ji aliyê Midûriyeta Giştî ya Emniyetê ve hatiye şandin. Dadgehê tevî vê yekê jî wê “maîla îxbarê” wek delîl nîşan daye.&nbsp;

	&nbsp;

	HETA 15 SALAN CEZA TÊ XWESTIN&nbsp;

	&nbsp;

	Di îdianameyê de ji Tanrikulu re ji 7 sal û nîvan heta 15 salan cezayê hepsê tê xwestin.&nbsp;

	&nbsp;

	Parêzera Tanrikûlû, Nagehan Avçil a rêvebera Navenda Giştî ya Komeleya Hiqûqnasên ji bo Azadiyê (OHD) têkildarî dozê axivî û destnîşan kir ku miwekîlê wê di encama hedefnîşandana Wezîrê Karê Navxweyî yê berê Suleyman Soylû de hatiye girtin û ev nayê qebûlkirin. Avçil da zanîn ku daraz û emniyetê di nava hev de der barê miwekîlê wê de tiştekî plankirî ku hûnandî ye hatiye amadekirin. Avçil diyar kir ku dadgeh bi biryarên siyasî tevdigere û di danişîna bê lidarxistin de wê daraz-dadgeh biryarek bêteref neyê dayîn û ew dixwazin daraz biryarek hiqûqî bide.&nbsp;

	&nbsp;

	MA / Omer Îbrahîmogû

	&nbsp;