
Li Silêmaniyê êrişeke çekdarî: Kesekî jiyana xwe ji dest da 

2023-09-29 07:55:37


	&nbsp;

	NAVENDA NÛÇEYAN - Li Silêmaniyê 2 bira rastî êrişa çekdarî hatin, yek ji wan jiyana xwe ji dest da.&nbsp;

	&nbsp;

	Li bajarê Silêmaniyê yê Herêma Kurdistana Federe di encama êrişa çekdarî ya li dijî du kurên Hosta Hesenê Kebabçî de yekê jiyana xwe ji dest da û yê din jî bi giranî birîndar bû.

	&nbsp;

	Dawiya meha tebaxê jî cenazeyê Hosta Hesenê Kebabçî li nav baxçeyê wî hatibû dîtin. Li gorî nûçeya Rojnewsê duh bişev jî bi çekan êrişê du kurên wî hatiye kirin û di encama gulebaranê de kurekê wî jiyana xwe ji dest da û kurê din jî bi giranî birîndar bû.

	&nbsp;

	Asayîşa Silêmaniyê dest bi lêkolîna bûyerê û lêgerîna binçavkirina kes an jî kesên bûyer pêk anîne kir lê heta niha kiryar an jî kiryarên bûyerê nehatine binçavkirin.

	&nbsp;