
Cenazeyê Beytocan wê li Stockholmê bê veşartin  

2023-09-13 10:24:26


	&nbsp;

	AMED - Cenazeyê hunermendê kurd Beytocan dê sibê bi merasîmekê li ser wesiyeta wî li Stockholmê bê veşartin.&nbsp;

	&nbsp;

	Hunermendê kurd Beytocan di 68 saliya xwe de duh li paytexta Swêdê Stockholmê ji ber nexweşiya penceşêrê wefat kiribû. Demek dirêj bû tedawiya vê nexweşiyê didît.&nbsp;

	&nbsp;

	Hunermendê kurd Armanc ji ajansa me Mezopotamya re ragihand ku ew ê li ser daxwaz-wesiyeta dawî ya Beytocan dê cenaze li Stockholmê bê veşartin û anî ziman ku ew ji bo merasîma cenaze amadekarî dikin û dê cenaze sibê (14’ê îlonê) were definkirin.&nbsp;

	&nbsp;

	BEYTOCAN KÎ YE?

	&nbsp;

	Beytocan di sala 1955'an de li navçeya Farqînê ya Amedê ji dayik bû, di dema darbeya leşkerî ya 12'ê Îlonê 1980’yî de hate girtin û 15 salan cezayê girtîgehê lê hate birîn. 6 sal û nîvan li girtîgehê girtî ma û sala 1987'an hat berdan.

	Beytocan di sala 1990'î de kaseta xwe ya destpêkê ya muzîkê derxist, piştî salekê jî di sala 1991'ê de neçar ma koçî Swêdê bike.

	&nbsp;