
Xelkê Pirsûsê bi girseyî serdana gora Peyam Demîr kir  

2023-09-09 15:37:33


	RIHA - Xelkê Pirsûsê bi girseyî serdana şîn û gora endama YJA-Starê Peyam Demîr kir.

	&nbsp;

	Endama YJA-Starê Peyam Demîr (Rêvan Sûrûç) di 28’ê adarê de li devera Alanduzê ya bi ser herêma Cîloyê ya Colemêrgê ve di şer de jiyana xwe ji dest dabû. Malbatê piştî encamdayîna DNA’yê cenazeyê keça xwe bir navçeya Pirsûsa Rihayê û veşartibû. Xelkê Pirsûsê bi girseyî serdana şîn û gora Peyam Demîr kir.&nbsp;

	&nbsp;

	Serdan bi pêşengiya Komeleya Alîkarî, Piştevanî û Çandê ya Malbatên ku Xizmên xwe li Axa Qedîm ji Dest Dane (KATDER) pêk hat. Girse ewilî serdana şîna malbatê kir û paşê jî serdana gora Demîr a li gundê Şêwramezin kir. Rêveberên HDP, DBP, Partiya Çepên Kesk, Dayikên Aştiyê, pêkhateyên Platforma Ked û Demokrasiyê ya Rihayê û gelek kes beşdarî serdanê bûn.&nbsp;

	&nbsp;

	Girse piştî şînê çû ber goristanê û ji ber deriyê goristanê heta ser gorê bi berzkirina dirûşma “Şehîd namirin” meş li dar xist. Di serdana gorê de ji bo cangoriyên doza azadiyê rêz hat girtin.&nbsp;

	&nbsp;

	'EM BÊRÛMETIYÊ QEBÛL NAKIN’&nbsp;

	&nbsp;

	Endamê Meclisa Partiyê yê HDP’ê Salîh Mevalî di serdana gorê de axivî û bi bîr xist ku Peyam Demîr di dorpêçê de hatiye veşartin û nerazîbûn nîşanî dorpêçê da û got: “Em ê ji vê saetê şûn ve qet bêrûmetiyê qebûl nekin. Em qebûl nakin ku cenazeyên me nîvên şevê û dorpêçkirî tên veşartin. Em oldarên li ber vê rewşê bêdeng dimînin jî şermezar dikin.”&nbsp;

	&nbsp;