
Tevî dîmenan jî wezareta parastinê îşkence red kir 

2023-09-05 16:16:17


	&nbsp;

	AMED - Dîmenên kêliya leşkeran li navçeya Licê ya Amedê îşkence li gundiyan hatibûn weşandin. Tevî dîmenan jî Wezîrê Parastinê Yaşar Guler îşkence red kir.&nbsp;

	&nbsp;

	Nêzî mehek berê leşkeran li gundê Turelî yê navçeya Licê ya Amedê îşkence li gundiya kiribûn û dîmenên îşkenceyê li ser hesabên xwe yên medyaya dijîtal parve kiribûn. Bikarhinêrê Tîk Tokê çawişê pispor ê bi navê “Komutan Berk” ku dîmen kişandibû, dîmen bi şîroveya “Tolhildan” parve kiribû. Bi parvekirina dîmenan re Parlamenterê Partiya Çepên Kesk ê Kocaeliyê Omer Faruk Gergerlîoglû bi daxwaza bersivandina Wezareta Parastinê pêşnûmepirs dabû Meclisê.&nbsp;

	&nbsp;

	DÎMENÊN ÎŞKENCEYÊ PARVE KIRIBÛ

	&nbsp;

	Gergerlîoglû wiha gotibû: “Di peyama ji min re hatiye şandin de wiha hatiye gotin; ‘Leşkeran gundî li erdê dirêj kirin û îşkence lê kirin. Bikarhinêrekî TîkTokê yê bi navê Komutan Berk ku çawişê pispor e dîmenên îşkenceyê kişand û bi nivîsa ‘tolhildan’ parve kir. Bûyer, li gundê Turelî yê Licê ya Amedê qewimî ye. Şêniyên gund gotin ku bi awayekî keyfî li erdê hatine dirêjkirin û îşkence lê hatiye kirin. Gotin ku birine qereqolê û bi saetan îşkence lê hatiye kirin û rojek piştre hatine berdan.’”&nbsp;

	&nbsp;

	TEVÎ DÎMENAN JÎ ÎŞKENCE RED KIR

	&nbsp;

	Bi domdarî Gergerlîoglû ji Guler pirs kir bê ka ev îdia rast in yan na, lêpirsîn hatiye destpêkirin an na, ka qeydên kamerayan hatine lêkolînkirin an na û leşkerên îşkence kirin hêj li ser peywira xwe ne yan na. Wezîrê Parastinê Guler jî tenê bi hevokekê bersiv da û got “operasyon nehatiye kirin” û ev îşkence red kir.&nbsp;

	&nbsp;