
Di teqîna li TMO’yê de kesekê din jî jiyana xwe ji dest da  

2023-08-14 12:18:36


	&nbsp;

	STENBOL - Di encama teqîna li sîloyên TMO’yê yên Derînceyê de ji karkeran Elîf Dayioglû birîndar bûbû. Dayioglû, li nexweşxaneya lê dihat tedawîkirin jiyana xwe ji dest da.&nbsp;

	&nbsp;

	Li sîloyên Ofîsa Berhemên Axê (TMO) yên li navçeya Derînce ya Kocaeliyê teqînek çêbûbû û ji karkeran Elîf Dayioglû bi giranî birîndar bûbû. Dayioglû, îro jiyana xwe ji dest da. Bi vê yekê re hejmara kesên di teqînê de jiyana xwe ji dest dayîn derket 2’yan û 4 kes jî niha li Nexwexşaneya Bajar a Kocaeliyê tên dermankirin.&nbsp;

	&nbsp;

	ÇI BÛBÛ?&nbsp;

	&nbsp;

	Di 7’ê tebaxê de li sîloyên TMO’yê ya li navçeya Derînce ya Kocaeliyê teqînek çêbûbû. Di teqînê de 3 jê giran bi giştî 12 welatî birîndar bûbûn. Ji 60 sîloyên TMO’yê 13 jê ji &nbsp;teqînê bibandor bûbûn. Ji birîndaran 6 jê hatibûn tabûrcukirin. Ji welatiyên bi giranî birîndar bûbûn Ekrem Kalkan di 9’ê tebaxê de jiyana xwe ji dest da û Elîf Dayioglû jî îro li Nexweşxaneya Bajar a Kocaeliyê jiyana xwe ji dest da.&nbsp;

	&nbsp;