
Li Şirnexê piştî gulebarana leşkeran şewat derket

2023-08-11 15:16:50


	&nbsp;

	ŞIRNEX -&nbsp;Li gundê Derêsor ê li quntarê Çiyayê Cûdî û li gundê Newala Îsa Axa ya girêdayî Cizîrê şewat derket.&nbsp;

	&nbsp;

	Li gundê Derêsor ê girêdayî bajarokê Bêspîn ê Silopiya ya Şirnexê ku dikeve quntarê Çiyayê Cûdî, di danê nîvro de şewat derket. Hat zanîn ku leşkerên li herêmê gule li derdorê reşandine û şewat ji ber gulebarana leşkeran derketiye.&nbsp;

	&nbsp;

	Ji bo vemirandina şewatê heta niha tu mudaxile nehatine kirin û her ku diçe berbelav dibe.&nbsp;

	&nbsp;

	LI CIHÊ GULEYÊN PERWERDEYÊ LÊ HATIN AVÊTIN ŞEWAT DERKET&nbsp;

	&nbsp;

	Di heman demê de li çoltarê gundê Newala Îsa Axa yê Cizîrê jî şewat derket. Hat zanîn ku şewat li qada Fermandariya Cendirmeyan û Midûriyeta Emniyetê ya Cizîrê ji bo perwerdeyê guleyan lê ber dide derketiye. Demek piştre şewat li çêrgeha gund belav bû. Şewat hêj didome û ji bo vemirandina şewata ber bi gund ve berfireh dibe jî tu mudaxele nayên kirin.&nbsp;