
Çoltarê gundê Bilbêsê hate bombebarankirin  

2023-08-09 12:21:53


	ŞIRNEX - Qedexeya li gundê Bilbêsê ya navçeya Elkê bi awayekî fiîlî didome û çoltarê gund bi helîkopter û balafirên şer hate bombebarankirin.&nbsp;

	&nbsp;

	Çoltarê gundê Bilbês ê navçeya Elkê ya Şirnexê bi helîkopter û balafirên şer hate bombebarankirin. Walîtiya Şirnexê di 29’3e tîrmehê de ji bo gund û derdora wî biryara qedexeya derketina derve ragihandibû. Lê belê ev qedexeye di 4’ê tebaxê de rakiribû. Lê belê dorpêça leşkeran a li ser gund hêj didome. Çoltarê gund du caran ji hêla balafirên şer ên F-16’an ve hate bombebarankirin. Piştre jî helîkopteran herêmê bombebaran kirin. Hat zanîn ku li çoltarê gund di navbera leşker û HPG’iyan de şer derketiye.&nbsp;

	&nbsp;

	GUNDIYAN BANG KIRIN

	&nbsp;

	Şêniyên gund ji ber êrişan bifikar in û gotin ku destûr nayê dayîn derkevin derve. Gundiyan bang li siyasetmedar û parastvanên mafên mirovan kirin ku şandeyekê bişînin herêmê.&nbsp;

	&nbsp;