
AYM’ê vesazkirina HAGB’ê betal kir 

2023-08-01 13:12:38


	ENQERE - Dadgeha Destûra Bingehîn ragihand ku vesazkirina taloqkirina ragihandina biryarê betal kiriye. Ev biryar dê salek piştre bikeve meriyetê.&nbsp;

	&nbsp;

	Dadgeha Destûra Bingehîn (AYM) ragihand ku vesazkirina “Taloqkirina Ragihandina Biryarê (HAGB)” betal kiriye. AYM’ê diyar kir ku wan di 1/6/2023’yan di dosyaya hejmar E.2022/120’ê de biryar dan ku hevoka yekemîn a bi fikraya hejmar (5) a bi xala 23’yemîn a Qanûna Hejmar 5560 li xala 231’emîn a Qanûna Dadgeha Ceza ya Hejmar 5271 hatiye zêdekirin li dijî Destûra Bingehîn e û betal kirine. Her wiha AYM’ê destnîşan kir ku ev biryar dê salek piştî ev biryar di Rojnameya Fermî de tê weşandin bikeve meriyetê.&nbsp;

	&nbsp;

	DI ROJNAMEYA FERMÎ DE HATE WEŞANDIN

	&nbsp;

	AYM’ê ev biryar di 1’ê hezîrana 2023’yan de li ser serlêdana 2’yemîn Dadgeha Cezayên Giştî ya Trabzonê da û îro di Rojnameya Fermî de hate weşandin. Bi kurtasî di biryarê de hat gotin ku biryara HAGB’ê mexdûriyeta mexdûran ji holê ranake, faîlan ji cezayan bêpar dihêle û nahêle dewlet berpirsyartiya xwe ya parastina mal û manewiyeta hemwelatiyan pêk bîne û pêş bixe. Bi vê sedemê jî ev sererastkirin weke li dijî Destûra Bingehîn hate pênasekirin.&nbsp;

	&nbsp;

	DI 300 SERLÊDANAN DE BIRYARA ‘BINPÊKIRINÊ’ HATIBÛ DAYÎN&nbsp;

	&nbsp;

	Midûrê Karên Nivîsan ê Bepirsyar ê Rojnameya Yenî Yaşamê Înan Kizilkaya, Midûrê Karên Nivîsan ê Berpirsyar ê Yenî Yaşamê Osman Akin û ji parêzerên Rojnameya Cumhuriyetê Abbas Yalçin jî di nav de, AYM’ê ji bo serlêdanên 300 kesan ên li dijî biryarên HAGB’ê yên di navbera 2014-2021’an de hatine kirin, biryara binpêkirina “mafê azadiya xweîfadekirinê û mafê civîn, xwepêşandan û meşê” dabû.&nbsp;