
Di doza Sakîne Kultur de dê kurê wê bê guhdarîkirin  

2023-08-01 11:54:25


	ŞIRNEX - Serokê Ocaxên Tevgera Taybet ê Bajar Îbrahîm Barkin, Sakîne Kultur qetil kiribû û doz lê hatibû vekirin. Li ser daxwaza dozger, dadgehê biryar da ku di danişîna din de li kurê Kultur, Mehmet Kultur were guhdarîkirin.&nbsp;

	&nbsp;

	Serokê Ocaxên Tevgera Taybet ê Şirnexê Îbrahîm Barkin di 13’ê gulana 2022’yan de welatiya bi navê Sakîne Kultur li navçeya Silopiyayê bi îşkenceyê qetil kir. Ji ber qetilkirina Kultur, bi sedema “Bi plankirî kuştiye û bi ezyetê kuştiye” li Barkin doz hatibû vekirin. 4’emîn danişîna dozê li 2’yemîn Dadgeha Cezayên Giran a Şirnexê hate lidarxistin. Parêzerên Komîsyona Jin û Zarokan a Baroya Şirnexê û yên Wezareta Polîtîkayên Malbat û Xizmetên Civakî tev li danişînê bûn. Faîl Îbrahîm Barkin jî li girtîgeha lê tê ragirtin, bi rêya Pergala Deng û Dîmen (SEGBÎS) tev li danişînê bû.&nbsp;

	&nbsp;

	‘BILA FAÎL GIRTÎ BIMÎNE’

	&nbsp;

	Parêzerên Wezareta Polîtîkayên Malbat û Xizmetên Civakî û Komîsyona Jin û Zarokan a Baroya Şirnexê xwestin ku rewşa girtî ya faîl bidome. Her wiha dozger jî xwest ku di danişîna din de li kurê Sakîne Kultur, Mehmet Kultur were guhdarîkirin.&nbsp;

	&nbsp;

	FAÎL XWEST BÊ TEHLIYEKIRIN

	&nbsp;

	Faîl Îbrahîm Barkin jî li dijî mutalaaya dozgeriyê parastina xwe ya berê dubare kir û xwest bê tehliyekirin.&nbsp;

	&nbsp;

	DÊ LI MEHMET KULTUR WERE GUHDARÎKIRIN

	&nbsp;

	Şandeya dadgehê biryar da ku rewşa girtî ya faîl bidome, di danişîna din de li Mehmet Kultur were gundarîkirin û danişîn taloqî 5’ê cotmehê kir.&nbsp;

	&nbsp;