
Komeleya Rojnamevanan a Kurdistanê zextên li ser rojnamevanan şermezar kir 

2023-07-25 14:33:17


	NAVENDA NÛÇEYAN - Komeleya Rojnamevanan a Kurdistanê binpêkirina azadiya fikir û çapemeniyê yên li Tirkiye û başûrê Kurdistanê şermezar kir.

	Komeleya Rojnamevanan a Kurdistanê têkildarî binçavkirin û zextên li ser rojnamevanên li bakur û başûrê Kurdistanê û Tirkiyeyê tên kirin daxuyanî da û binçavkirin, cezakirin û girtina rojnamevanan şermezar kir.

	&nbsp;

	Daxuyaniya bi nivîskî ya Komeleyê wiha ye:&nbsp;

	&nbsp;

	"Em bûyerên dawî yên têkildarî binpêkirina azadiya fikir û çapemeniyê yên li Tirkiye û Başûrê Kurdistanê bi tundî şermezar dikin."

	&nbsp;

	Di daxuyaniyê de hate ragihandin ku destgîrkirina rojnamevan Firat Can Arslan, Delal Akyuz û Sîbel Yukler a li Tirkiyeyê nîşan dide ku Tirkiye ji bo rojnamevanan bûye girtîgehek.

	&nbsp;

	Her wiha birîna çar salên din ên girtinê li rojnamevan Şerwan Şêrwanî li başûrê Kurdistanê weke xerabûna rewşa azadiya çapemeniyê ya li Başûrê Kurdistanê hate pênasekirin.

	&nbsp;

	Komeleyê xwest rojnamevanên girtî tavilê bêne berdan û azadiya çapemeniyê bê parastin. Rojnamevantî sûc nîne, rojnamevantî mafeke û ev maf divê di her şert û mercî de bê parastin."

	&nbsp;