Li Amedê dê li dijî Lozanê daxuyaniya hevpar bê dayîn

2023-07-23 12:46:06


	AMED - Li Amedê partiyên siyasî û rêxistinên sivîl ên civakî dê di 100 saliya Peymana Lozanê de daxuyaniyeke hevpar li dar bixin. 

	 

	Partiyên siyasî û rêxistinên civîl ên civakî dê li dijî Peymana Lozanê ya ku erdnîgariya Kurdistanê di 24'ê Tîrmeha 1923'yan de kiribû 4 perçe, di roja dikeve 100 saliya xwe de, li Amedê bi daxuyaniyeke hevpar şermezar bikin. Partiya Herêmên Demokratîk (DBP), Partiya Demokratîk a Gelan (HDP) Partiya Çepên Kesk, Partiya Komînîst a Kurdistanê (KKP), Partiya Însan û Azadî (PÎA) Partiya Sosyalîst a Kurdistanê (PSK) Partiya Demokrat a Kurdistanê - Tirkiye (PDK) Partiya Demokrat a Kurdistanê-Bakur (PDK-Bakur) Partiya Azadî, Hereketa Azadî, Komeleya Şoreşger ên Demokratîk a Kurd (DDKD), Platforma Zimanê Kurdî (PZK), Komeleya Şêx Saîd û Platforma Yekitiya Jinên Kurd dê sibê daxuyaniya hevpar li dar bixin. Daxuyanî dê sibê saet di 11.00'an de li Cemiyeta Rojnamegeran a Başûrrojhilat bê lidarxistin.