
Cenazeyê Sîbel Çelîk li Xarpêtê hat veşartin 

2023-07-20 15:56:04


	XARPÊT - Cenazeyê endama YJA Starê Sîbel Çelîk a li Şirnexê de şer de jiyana xwe ji dest dabû, li Xarpêtê hat veşartin.&nbsp;

	Endama YJA Starê Sîbel Çelîk (Tavîn Têkoşîn) di şerê 21’ê çileya 2022’yan de li Herêma Besta ya Şirnexê jiyana xwe ji dest dabû. Cenazeyê Sîbel Çelîk li Goristana Yalim Elez a Wanê hatibû veşartin. Malbata Çelîk ji Almanya hat Wanê û cenazeyê keça xwe wergirt û bir Xarpêtê. Malbatê cenazeyê keça xwe li Goristana Sînanlarê ya gundê Sûgozu yê bi ser navenda Xarpêtê ve di dorpêça polîsan de veşart.&nbsp;

	&nbsp;

	HPG’ê têkildarî wî şerî daxuyanî dabû û ragihandibû ku di şerê 21’ê çile de Rojbîn Dêrsim (Raife Kutlak) Delîla Goyî (Evîn Encu), Sila Faraşîn (Hamdiye Tekbudak), Dîrok Serhed (Leyla Sain) û Nûda Arîn (Zozan Ocal) jiyana xwe ji dest dane. Li ser vê yekê malbata Zozan Ocal a li Wanê çû cenaze wergirt û anîn li taxa Yalim Elezê veşartibûn. HPG’ê paşê dîsa daxuyanî da û diyar kiribû Zozan Ocal jiyana xwe ji dest nedaye û ya ku jiyana xwe ji dest daye Sîbel Çelîk (Tavîn Tekoşîn) e. Piştî vê daxuyaniyê malbata Çelîk ji Almanya hatibû Wanê û serî li Serdozgeriya Wanê dabû. Piştî ku nimûneya DNA’yê ya cenaze û malbatê li hev hat, cenaze radestî malbatê hat kirin.

	&nbsp;

	&nbsp;