
Çalakiya greva birçîbûnê ya Dag û Er di roja 63'yemîn de ye

2023-07-19 13:14:47


	NAVENDA NÛÇEYAN - Çalakiya greva birçîbûnê ya Mazlum Dag û Abdurrahman Er li Girtîgeha Hewlêrê li dijî binpêkirinan daye destpêkirin di roja 63'ymîn de didome.&nbsp;

	&nbsp;

	Di 17 tîrmeha 2019’an de li dijî wezîfedarê Sefaretxaneya Tirkiyeyê ya Hewlêrê dîplomatê tirk Osman Kose êriş hate kirin. Di êrişê de Kose û welatiyê Iraqê Nerîman Osman û welatiyê ji Hewlêrê Beşdar Ramazan mirin. Mazlûm Dag û Abdurahman Er jî bi sedema vê êrişê hatibûn girtin û niha li Girtîgeha Hewlêrê tên ragirtin.&nbsp;

	&nbsp;

	Dag û Er, ji bo bidawîkirina binpêkirinên weke lêgerînên keyfî, tundiya fîzîkî, heqaret û zexta cilên yektîp, di 18’ê gulanê de dest bi greva birçîbûnê ya bêdem û bêdorveger kiribûn. Çalakiya Dag û Er di roja 63'yemîn de didome. Rewşa tenduristiya Dag û Er her ku diçe xirabtir dibe. Rayedarên Hikûmeta Herêma Kurdistanê heta niha jî têkildarî mijarê tu daxuyanî nedane.&nbsp;

	&nbsp;

	HEWLDANÊN MALBATAN

	&nbsp;

	Malbatên Dag û Er ji bo aqûbeta zarokên xwe bipirsin pêr çûbûn Hewlêrê û li gel sazî û dezgehan hevdîtinan dikin.&nbsp;

	&nbsp;

	AVAKIRINA KOMÎSYONÊ

	&nbsp;

	Li gorî nûçeya RojNewsê; ji aliyê Serokê Desteya Mafên Mirovan a Herêma Kurdistanê û Midûrê Giştî yê Girtîgehan, Wezareta Xebatên Civakî ya Herêma Kurdistanê ve hat ragihandin ku ji bo daxwazên Dag û Er bên qebûlkirin, komîsyonek hatiye avakirin. Lê der barê çalakiya Dag û Er de hê tu gav nehatiye avêtin.&nbsp;

	&nbsp;