
23 sal û 4 meh ceza li kesên êrişî avahiya HDP’ê kiribûn hat birîn  

2023-07-13 16:35:15


	EDENE - Dadgehê li 3 kesên ku êrişî avahiya HDP’a Yuregîrê kiribûn bi giştî 23 sal û 4 meh û 6 roj ceza birî.&nbsp;

	&nbsp;

	Li navçeya navendî ya Yuregîrê ya Edeneyê di 16’ê sibata 2022’yan de kesên ji Sûriyeyê Ammar Hasan û Beşşar Elali û Mahmût Kendîrcî êrişî avahiya HDP’ê ya Navçeya Yuregîrê kiribûn. Dadgeha Edeneyê derbarê van êrişkaran de ji ber sûcê êrişê ku kiribûn doz vekir. Danişîna dozê li 2’yemîn Dadgeha Cezayê Giran a Edenê hat lidarxistin. Elali û Kendîrcî û parêzerên muştekî û bersûcan tev li danişînê bûn.

	&nbsp;

	Dozger ji bo cezakirina bersûcan mutalaya xwe dubare kir.&nbsp;

	&nbsp;

	Bersûcan beyanên xwe yên danişînên ber dubare kirin û xwestin bên beraetkirin. Parêzerên wan jî dawa beraetê kirin. Parêzerên muştekî jî xwestin bersûc bên cezakirin.&nbsp;

	&nbsp;

	Şandeya dadgehê ji sûcê “ne endamên rêxistinê ne li ser navê rêxistinê sûc kirine” bersûcan beraet kir û ji sûcên “xesar dane malê xelkê”, “çekên bêrûxset li ser wan bûne”, “gefxwarina bi çeke”, “bikaranîna madeyên teqemenî” bi giştî 23 sal û 4 meh û 6 roj cezayê hepsê li bersûcan birî.&nbsp;

	&nbsp;