Ji bo 15 rojnamegerên girtî biryara tehliyeyê hate dayîn 

2023-07-12 16:58:33


	AMED – Derheqê 15 rojnamegerên girtî de biryara tehliyeyê hate dayîn. 

	 

	Danişîna ewil a doza 15 jê girtî bi giştî 18 rojnamegerên di 8’ê hezîrana 2022’yan de hatin binçavkirin û di 16’ê hezîranê de hatin girtin a li 4’emîn Dadgeha Cezayên Giran a Amedê di roja duyemîn de hate lidarxistin. Piştî parastinan, şandeya dadgehê biryara xwe da û ji bo hemû rojnamegeran biryara tehliyeyê da. 

	 

	Hevserokê Komeleya Rojnamevanan a Dîcle Firatê (DFG) Serdar Altan, edîtorê Ajansa Mezopotamyayê (MA) Azîz Orûç, Midûrê Karên Nivîsan ê Rojnameya Xwebûnê Mehmet Alî Ertaş, rojnamevan Zeynel Abidîn Bûlût, Omer Çelîk, Mazlûm Dogan Guler, Îbrahîm Koyûncû, Neşe Toprak, Elîf Ungur, Abdûrrahman Oncu, Sûat Dogûhan, Remziye Temel, Ramazan Gecîken, Lezgîn Akdenîz û Mehmet Şahîn bi şertê kontrola edlî hatin berdan.