
Di bûyera kuştina Temel de 3 kesên din hatin binçavkirin  

2023-07-11 15:20:54


	ŞIRNEX - Di çarçoveya lêpirsîna qetilkirina welatiyê bi navê Temer Temel de 3 kesên din jî hatin binçavkirin.&nbsp;

	&nbsp;

	Di 7’ê gulanê de li gundê Setkar ê girêdayî navçeya Elkê ya Şirnexê li dijî welatiyê bi navê Temer Temel de êriş hate kirin û li pêşiya mala xwe hate qetilkirin. Têkildarî qetilkirina Temel lêpirsîn hatibû destpêkirin. &nbsp;Di çarçoveya lêpirsînê de 3 kesên din jî hatin binçavkirin. Hat zanîn ku ji van 3 kesan 2 jê li navçeya Elkê û kesek jî li bajarê Çanakkaleyê hatiye binçavkirin. Binçavkirî niha li Midûriyeta Emniyetê ya Elkê tên ragirtin.&nbsp;

	&nbsp;

	Hêjayî bibîrxistinê ye ku di çarçoveya lêpirsînê de kesê bi navê H.T. di 27’ê hezîranê de li Wanê hatibû binçavkirin û bi sedema “Kuştina bi qesdî” hatibû girtin. Di 6’ê tîrmehê de jî H.T. û Î.T. ku birayên hev in, li Wanê hatibûn binçavkirin. Her du bira bi sedema “hewldana kuştinê” hatibûn girtin.

	&nbsp;