
Hat xwestin li polîsê ku Cîhan Can qetil kir ceza bê birîn 

2023-07-10 13:24:49


	AMED - Hat xwestin ku li polîs Hakan Avci ku bi wesayîta zirxî endezyar Cîhan Can qetil kiribû, heya 6 salan cezayê girtîgehê bê birîn.&nbsp;

	&nbsp;

	Polîs HaKan Avci, li ber avahiya Partiya Demokratîk a Gelan (HDP) a Amedê bi wesayîta zirxî pêl endezyar Cîhan Can kiribû û ew qetil kiribû. Îro danişîna dozê li Dadgeha Ceza ya Asliye ya 11'an a Amedê hat lidarxistin. Meqama îdiayê mutalaaya xwe berpêşî dadgehê kir.

	&nbsp;

	Meqama îdiayê di mutlaaya xwe de îşaret bi raporên Saziya Tiba Edlî (ATK) kir ku di van raporan de polîs Avci ji sedî sed qisûrdar hatiye dîtin û got ku bersûc di dema bûyerê de baldartevnegeriyaye. Meqama îdiayê xwest ku bi sûcê "bi qisûrdarê sedema mirinê" ji 2 salan heya 6 salan ceza li bersûc polîs Avci bê birîn.

	&nbsp;

	Piştî mutalaayê, parêzerê bersûc Farûk Ûygûn û parêzerê malbata Can, li hember mutalaayê doza wext kirin.

	&nbsp;

	Heyeta dadgehê jî daxwaza wan qbeûlkirin û danişîna dozê taloqî 4'ê Îlonê kir. &nbsp;