
Xwebûn bi manşeta 'Ji bêdengiyê cesaret digirin' derket 

2023-07-10 10:46:43


	NAVENDA NÛÇEYAN - Rojnameyê Xwebûnê ku bi manşeta “Ji bêdengiyê cesaret digirin” derket, bal kişand ser tecrîda li Îmraliyê û gefên ku bi nameyan li Rêberê PKK’ê Abdullah Ocalan hatine xwarin. &nbsp;

	Hejmara 186’emîn a rojnameya Xwebûnê bi manşeta “Ji bêdengiyê cesaret digirin” derket. Rojnameyê di manşeta xwe de bal kişand ser tecrîda li Îmraliyê û gefên ku bi nameyan li Rêberê PKK’ê Abdullah Ocalan hatine xwarin.&nbsp;

	&nbsp;

	Nivîskarê rojnameyê Felemez Ulug di nivîsa xwe de tecrîd û gefên li Îmraliyê nirxandiye. Her wiha Parlamenterê Çewlikê yê Partiya Çepên Kesk Omer Farûk Hulaku jî der barê mijarê de ji rojnameyê re axivî.

	&nbsp;

	Di surmanşeta xwe de jî rojnameyê cih ji beşa dawîn a dosya nivîskarê xwe Zinar Ronî ya der barê avakirina HUDA-PAR’ê de veqetandiye. Zinar Ronî, li armanca avakirina HUDA-PAR’ê, xebatên kontrayên wê rawestiyaye û bal kişandiye ser hevkariya wê ya bi AKP’ê re gotiye kontra nikarin bibin nûnerên Gelê Kurd.

	&nbsp;

	Di rûpelê jinê de nûçe analîzeke li ser xebatên jinan ên li Rojava û Bakur û Rojhilatê Sûriyeyê hatiye amadekirin. Her wiha bi parlamentera Partiya Çepên Kesk a Mêrdînê Berîtan Guneş Aydin re der barê &nbsp;Navenda Lêkolîn, Arşîv û Pirtûkxaneya Jinên Kurd ku li Silêmaniyê hatibû vekirin de nûçeyek hatiye çêkirin.&nbsp;

	&nbsp;

	Her wiha di rûpelê 4’an ê rojnameyê de jî li ser girtina rojnameger Merdan Yanardag û sûcdariyên Erdogan ên li Rêberê PKK’ê Abdullah Ocalan hatiye rawestandin.&nbsp;

	&nbsp;

	Di rûpelê Kirmanckî yê rojnameyê de jî li ser hevkariya PDK’ê ya bi AKP’ê re hatiye rawestandin.&nbsp;

	&nbsp;

	Her wiha mijarên mîna Peymana Lozanê, çandinî û çanda zad û tendûrê jî mijarên rojnameya Xwebûnê ne.&nbsp;