
Kazim Koyuncu li ser gora xwe hat bibîranîn 

2023-06-25 15:54:50


	ARTVÎN - Hunermend Kazim Koyuncu di 18’emîn salvegera mirina xwe de li ser gora xwe ya li navçeya Hopayê hate bibîranîn.&nbsp;

	&nbsp;

	Hunermendê ji Behra Reş Kazim Koyuncu, di 18’emîn salvegera mirina xwe de li ser gora xwe ya li gundê Sugoren a navçeya Hopa ya Artvînê hate bibîranîn. Malbata Koyuncu, partiyên siyasî, rêxistinên civaka sivîl û ji Artvîn û bajarên derdorê gelek kes tev li bîranînê bûn.&nbsp;

	&nbsp;

	Koroyên jinan ên şaredariyên Findikli û Borçkayê stranên Koyuncu stiriyan û merasîma bîranînê dest pê kir. Piştre jî li ser navê malbata Koyuncu, dosê malbatê Şeref Yîgînoglû axivî û wiha got: “Kazim, ji bo me nirxekî cuda bû. Ji mirovan gelek hez dikir û hemû kes wekhev di dît. Em ji xwendekarên xwe re dibêjin ji ewil bibin mirov û piştre bibin xwedî pîşe. Kazim Koyuncu mirovekî baş bû û ji mirovan gelek hez dikir.”&nbsp;

	&nbsp;

	Her wiha Rêveberê Halkevlerî ya Hopayê Kamîl Ustabaş û Şaredarê Findikliyê Ercument Şervatoglû jî di bîranînê de axivîn û Koyuncu bi bîr anîn.&nbsp;

	&nbsp;