
Ji siyasetmedar Emîne Ayna re ceza hat xwestin 

2023-06-22 13:59:03


	&nbsp;

	AMED - Di danişîna doza bi îdiaya “propaganda rêxistinê” li siyasetmedara kurd Emîne Ayna de hatiye vekirin, dozger jê re ceza xwest.&nbsp;

	&nbsp;

	Hevseroka Giştî ya Partiya Herêmên Demokratîk (DBP) a berê Emîne Ayna bi îdiaya “propaganda rêxistinê kiriye” tê darizandin. Danişîna 5’emîn a doza Ayna li 4’emîn Dadgeha Cezayê Giran a Ameê hat lidarxistin. Ayne tev li danişînê nebû û parêzerê wê Resûl Temûr di danişînê de amade bû. Danişîn bi mutalaya derbarê dozê ku dozger pêşkêş kir de dest pê kir.&nbsp;

	&nbsp;

	Dozger xwest ji ber “propaganda rêxistinê” ceza li Ayna bê birîn. Dozger îdia dike ku Ayna dema Hevseroka Giştîy a DBP’ê bûye di navbera 2013’an û 2016’an di xebat, çalakî û daxuyanî û bernameyên tev li bûye de “propaganda rêxistinê” kiriye. Dozger xwest ji salekê heta 5 salan cezayê hepsê li Ayna bê birîn.&nbsp;

	&nbsp;

	Parêzer Resûl Temûr ji bo dikaribe li dijî mutalayê parastinê bike daxwaza dema zêde kir. Şandeya dadgehê daxwaza Temûr qebûl kir û danişînê taloqî 5’ê cotmehê kir.&nbsp;

	&nbsp;

	&nbsp;

	&nbsp;