
 ‘Navenda Bîra Komkujiya Madimakê’ dest bi weşanê kir

2023-06-11 13:37:29


	&nbsp;

	NAVENDA NÛÇEYAN - Konfederasyona Yekitiyên Elewiyan ên Ewropayê têkildarî xebatên ji bo “Komkujiya Madimakê”, bi navê “Navenda Bîra Komkujiya Madimakê” pirtûkxaneyeke dîjîtal vekir.

	&nbsp;

	Komên nîjadperest û îslamperest ên girêdayî MHP û Mîllî Goruşê di 2’ê tîrmeha sala 1993’yan de li Hotêla Madimakê ya bajarê Sêwasê komkujiyeke mezin kir. Di komkujiyê de 33 rewşenbîr, hunermend û 2 xebatkarên hotêlê di komkujiyê de hatin qetilkirin. Li gel ku bi ser komkujiyê re 30 sal derbas bûne jî hêj jî komkujî nehatiye ronîkirin.&nbsp;

	&nbsp;

	Konfederasyona Yekitiyên Elewiyan ên Ewropayê (AABK) têkildarî komkujiyê xebateke berfireh û domdirêj dabû destpêkirin û di 10’ê hezîranê de bi navê “Navenda Bîra Komkujiya Madimakê” pirtûkxaneyeke dîjîtal vekir. Bi qasî 4 hezar pirtûk, gotar, kovar, dosyayên dozê, rapor, wêne, name, helbest, vîdeo, biyografî li pirtûkxaneyê hatine barkirin.

	&nbsp;

	Di çarçoveya projeyê de her kes dikare Muzeya Madimakê li ser dijîtalê ziyaret bike. Di 30’emîn salvegera komkujiyê de jî dê belgefîlma “Komkujiya Sêwasê” li pirtûkxaneyê bê weşandin.

	&nbsp;

	Yên dixwazin dikarin li ser vê lînkê bigihînin pirtûkxaneyê: https://kutuphane.madimak.org/&nbsp;

	&nbsp;