
Ji ber ‘sindoqa winda’ doz li rojnamevan Kanbal hate vekirin 

2023-06-10 09:29:45


	&nbsp;

	MÊRDÎN - Derbarê rojnamevan Ahmet Kanbal ê têkildarî sindoqa hilbijartinê ya li Mêrdînê windabûyî li ser hesaba xwe ya medyaya dîjîtal parve kir de bi îdiaya “Agahiyên xelet belavkirine” doz hate vekirin. &nbsp;

	&nbsp;

	Derbarê nûçegihanê ajansa me Ahmet Kanbal de ji ber di nava mehên nîsan û gulanê de du nûçe parve kirin bi îdiaya “agahiyên xelet belavkirine” du lêpirsînên cuda hatin vekirin. Dozgeriyê têkildarî yek lêpirsîna derbarê Kanbal de hatibû destpêkirin biryara neşopandinê da û têkildarî ya din jî îdianame amade kir û doz vekir.&nbsp;

	&nbsp;

	BIRYARA NEŞOPANDINÊ &nbsp;

	&nbsp;

	Li gundê Cinata yê li herêma Omeriya Mêrdînê di 8’ê nîsanê de endamê HPG’ê Mûsa Kahraman (Xebatkar Bagok) û Lokman Gorgun ê bavê 8 zarokan bi îdiya PKK’î ye ji aliyê leşkeran ve hatibû kuştin. Derbarê nûçegihanê ajansa me Ahmet Kanbal de ji ber têkildarî vê mijarê nûçe çêkirine û li ser hesaba xwe ya medyaya dîjîtal parve kiriye bi îdiaya “Agahiyên xelet belavî rayagiştî kirine” lêpirsîn hatibû dest pê kirin. Wezîrê Karê Hundir îdia kiribû ku Kahraman û Gorgun PKK’î ne lê di nûçeyê de bal hatibû kişandin ku Gorgun bavê 8 zarokane û bi şivantiyê debara xwe dike. Dozgeriyê têkildarî lêpirsîna mijarê hatiye vekirin bi hinceta “Di çarçoveya dosyayê de delîl, şop û nîşaneyên şênber ên ji bo doza cemaweriyê pêwîst e nîne” biryara neşopandinê da. &nbsp;

	&nbsp;

	JI PARVEKIRINA SINDOQA WINDA RE DOZ HATE VEKIRIN &nbsp;

	&nbsp;

	Têkildarî lêpirsîna duyemîn a derbarê Kanbal de hatiye vekirin, parvekirina wî ya têkildarî sindoqa bi hejmara 1363 ya dema hilbijartinên 14’ê gulanê de hatiye windakirin û serokê sindoqê weke hincet hate nîşandan. Îdianameya derbarê lêpirsînê de hatiye amadekirin ji aliyê 1’emîn Dadgeha Ceza ya Asliye ya Mêrdînê ve hate qebûlkirin. Îdianameya tevî girtekên têkildarî windabûna sindoqê û serlêdanên têkildarî sindoqê yên partiyên siyasî hene jî hatiye amadekirin, bin hinceta ku parvekirin 25 deqîqe piştî dîtina sindoqê hatiye kirin, xwest ku ceza bê dayîn.&nbsp;

	&nbsp;

	Di îdianameyê de derbarê rojnamevan Kanbal de ji xala 217’an a TCK’ê ya “belavkirina agahiyên xelet” ji salekê heta 3 salan cezayê hefsê hate xwestin.&nbsp;

	&nbsp;

	&nbsp;